უკან
პოლიტიკა
19 ივნისი, 2017 11:40
ირაკლი კობახიძე საქართველოს პრეზიდენტს საკონსტიტუციო ცვლილებების პირდაპირ ეთერში განხილვისკენ კიდევ ერთხელ მოუწოდებს
საქართველოს პარლამენტის თავმჯდომარე ირაკლი კობახიძე საქართველოს პრეზიდენტს საკონსტიტუციო ცვლილებების პირდაპირ ეთერში განხილვისკენ კიდევ ერთხელ მოუწოდებს.
კობახიძე იმედს გამოთქვამს, რომ პრეზიდენტი ამ ფორმატს დათანხმდება.
"ჩვენ შეგვიძლია კიდევ ერთხელ მოვუწოდოთ პრეზიდენტს, რომ განხილვის ამ ფორმატს მივმართოთ და საზოგადოებას მივაწოდოთ ძალიან ფართოდ საკონსტიტუციო ცვლილებების შესახებ ინფორმაცია. კიდევ ერთხელ გამოვთქვავ იმედს, რომ პრეზიდენტი ამ ფორმატს მიიღებს და არ იტყვის უარს მონაწილეობაზე", - განაცხადა კობახიძემ.
მანვე სამწუხარო უწოდა იმ ფაქტს, რომ პრეზიდენტმა პირველ შეთავაზებაზე უარი განაცხადა.
ნინო ექვთიმიშვილი