მსოფლიო

ირანის ქალაქებს ბოლო 8 წლის განმავლობაში ყველაზე მასშტაბური საპროტესტო ტალღა მოედო

ირანის რამდენიმე მსხვილ ქალაქში ბოლო 8 წლის განმავლობაში ყველაზე ფართომასშტაბიანი ანტისამთავრობო საპროტესტო აქციები იმართება. მიტინგები ხუთშაბათს ქალაქ მაშჰადში პროდუქტების გაძვირების გამო დაიწყო და შემდეგ მთელ ქვეყანას მოედო.

აქციებზე გამოსული ხალხი კორუფციას, ინფლაციას, ისლამური სასულიერო ხელისუფლების ქმედებებსა და ქვეყნის საგარეო პოლიტიკას აპროტესტებენ. გარდა ამისა, პროტესტის მონაწილეებმა მოითხოვეს პოლიტიკური პატიმრების გათავისუფლება და პოლიციელთა განუკითხაობის აღკვეთა.

ერთ-ერთ ყველაზე მრავალრიცხოვან მიტინგზე ქალაქ მეშჰედში 52 ადამიანი დააკავეს.

მიტინგებს გამოეხმაურა აშშ-ის სახელმწიფო დეპარტამენტი. მისი თქმით, ის გმობს დემონსტრანტების დაკავებას და უერთდება ირანელი ხალხის მოთხოვნებს. უწყების თქმით, ირანის ხელისუფლებამ ხალხი ეკონომიკურ კრიზისში ჩააგდო.

ბოლოს ირანში ასეთი ხალხმრავალი აქციები 2009 წელს გაიმართა, როცა აპროტესტებდნენ მაჰმუდ აჰმადინეჯადის გამარჯვებას საპრეზიდენტო არჩევნებში.