მსოფლიო

ირანმა მზადყოფნაში მოიყვანა რაკეტები ტრამპის მუქარების ფონზე

"Tehran Times"-ის ინფორმაციით, ირანის შეიარაღებულმა ძალებმა საბრძოლო მზადყოფნაში მოიყვანეს რაკეტები, რომლებსაც შეუძლიათ დაარტყან ამერიკასთან დაკავშირებულ ობიექტებს. ეს გადაწყვეტილება მიღებულ იქნა მას შემდეგ, რაც აშშ-ის პრეზიდენტი, დონალდ ტრამპი, ირანის წინააღმდეგ სამხედრო ქმედებების განხორციელებით დაემუქრა, თუ თეირანი მის პირობებზე არ დათანხმდება ბირთვული შეთანხმების განახლებასთან დაკავშირებით.

მნიშვნელოვანი რაოდენობის ეს რაკეტები განთავსებულია მიწისქვეშა სამხედრო ბაზებზე ქვეყნის მასშტაბით, რომლებიც სპეციალურად არის აგებული საჰაერო დარტყმების გასაძლებად.

ტრამპმა, თავისი ინაუგურაციის დღიდან (იანვარში), არაერთხელ განაცხადა, რომ ირანს დაბომბავდა, თუ ქვეყანა არ დათანხმდებოდა მის მოთხოვნებს. გავრცელებული ინფორმაციით, ამ მოთხოვნებში შედის ირანის ბირთვული პროგრამის სრულად დაშლა, წინააღმდეგობის ჯგუფებთან კავშირის გაწყვეტა და რაკეტებისა და დრონების პროგრამის შეზღუდვა.

ირანის ხელისუფლებამ განაცხადა, რომ არსებული ვითარების ფონზე არ აპირებს მოლაპარაკებებს აშშ-თან და მზად არის, გადაჭრით უპასუხოს ნებისმიერ აგრესიას.