საზოგადოება

ირმა ინაშვილი სავაჭრო ცენტრ „ბავშვთა სამყაროს“ დაზარალებულ მოვაჭრეებს შეხვდა

პარლამენტის ვიცე-სპიკერი ირმა ინაშვილი სავაჭრო ცენტრ „ბავშვთა სამყაროს“ დაზარალებულ მოვაჭრეებს შეხვდა.

როგორც ინაშვილმა შეხვედრის დასრულების შემდეგ ჟურნალისტებს განუცხადა, სახელმწიფოს ეკისრება პასუხისმგებლობა, გამოძებნოს გზები ამ ადამიანების დასახმარებლად.

„არ მივედი ”ბავშვთა სამყაროს” ტერიტორიაზე, რადგან არ აღქმულიყო პოლიტიკურ სპეკულაციად და ასე შემდეგ. ვთხოვე დაზარალებულებს, მოსულიყვნენ პარლამენტში და საფუძვლიანად გვესაუბრა მათ პრობლემებსა და იმაზე თუ რაშია გამოსავალი.

თავად დაზარალებულები შექმნიან საზოგადოებრივ კომისიას და აქციონერებთან ერთად დაიწყებენ ზარალის დათვლას, რადგან სახელმწიფო არ არის ამაში ჩართული და ამბობს, რომ არაფერ შუაშია. ამ ადამიანებს სჭირდებათ დახმარება. სახელმწიფო მართალი არ არის როდესაც ამბობს, რომ არ იღებს პასუხისმგებლობას. სახელმწიფოს ეკისრება პასუხისმგებლობა, რომ მოუსმინოს ამ ადამიანებს, აღრიცხოს ზარალი და გამოძებნოს გზები მათ დასახმარებლად“, - განაცხადა ინაშვილმა.

ნინო ექვთიმიშვილი