მსოფლიო

„ისლამური სახელმწიფოს“ 99% განადგურებულია - მაიკ პომპეო

აშშ-ის სახელმწიფო მდივნის, მაიკ პომპეოს განცხადებით, აშშ-მა პარტნიორებთან ერთად ტერორისტული დაჯგუფება „ისლამური სახელმწიფოს“ 99% გაანადგურა.

„ჩვენ გავანადგურეთ ხალიფატის 99%. ეს უნდა იყოს ყველა ამბის პირველი წინადადება, სწორია? ყველა ეთანხმება? ვინმე არ ეთანხმება ფაქტებს? ეს იყო ძალიან წარმატებული კამპანია და ჩვენ მას მრავალ კარგ პარტნიორთან ვაწარმოებდით. აშშ-მა მნიშვნელოვანი როლი შეასრულა, თუმცა ამის მიღწევაში ბევრი მეგობარი დაგვეხმარა“, – განუცხადა მაიკ პომპეომ ჟურნალისტებს თვითმფრინავის ბორტზე.