მსოფლიო

ისტორიული სამიტი - კიმ ჩენ ინმა ტრადიცია დაარღვია და სამხრეთ კორეაში ჩავიდა

ჩრდილოეთ კორეის ლიდერი კიმ ჩენ ინი სამხრეთ კორეაში ჩავიდა და თავის კოლეგას, სამხრეთ კორეის პირველ პირს მუნ ჯე ინს შეხვდა. 1953 წლის კორეის ომის შემდეგ კიმ ჩენ ინი პირველია ჩრდილოეთკორეელი მმართველებიდან, ვინც გადაკვეთა სამხრეთ კორეასთან არსებული გამყოფი ხაზი.

კინ ჩენ ინმა „გულწრფელი“ მოლაპარაკებების იმედი გამოთქვა. როგორც მან სტუმრის წიგნში დაწერა „ახლა იწყება ახალი ისტორია - ეს მშვიდობიანობის ხანისა და ისტორიის საწყისი წერტილია“.

ისტორიული სამიტის ერთ-ერთი მთავარი თემა ფხენიანის გადაწყვეტილებაა ბირთვული შეიარაღების წარმოების შეწყვეტის შესახებ.

ორ კორეას შორის ურთიერთობების ნორმალიზების ტენდენცია გამოიკვეთა 2018 წლის ზამთრის ოლიმპიური თამაშების დაწყების წინ. მასშტაბური სპორტული ღონისძიება სამხრეთ კორეის ქალაქ ფხენჩხანში გაიმართა.