უკან

უახლესი ამბები

დღის კალენდარი

ანონსები

არქივი

მსოფლიო

12 ივნისი, 2018 11:20
font-size

ისტორიული სამიტი შედგა - კიმ ჩენ ინი და დონალდ ტრამპი ერთმანეთს შეხვდნენ

აშშ-ის პრეზიდენტი დონალდ ტრამპი და ჩრდილოეთ კორეის ლიდერი კიმ ჩენ ინი ერთმანეთს სინგაპურში, კუნძულ სენტოსაზე შეხვდნენ. ქვეყნებს შორის პირველ ისტორიულ სამიტზე ჩრდილოეთ კორეის ბირთვული განიარაღების შესახებ ისაუბრეს.

შეხვედრა 5-ვარსკვლავიან სასტუმრო Capella-ში გაიმართა. სამიტის დაწყებამდე ტრამპმა და კიმ ჩენ ინმა ხელი ჩამოართვეს ერთმანეთს.

ტრამპმა შეხვედრის დაწყებამდე განაცხადა, რომ მოლაპარაკებების წარმატებულად დასრულებაში ეჭვი არ ეპარება, ხოლო ფხენიანსა და ვაშინგტონს შორის „გადასარევი“ ურთიერთობები ჩამოყალიბდება. კიმ ჩენ ინმა, თავის მხრივ, აღნიშნა, რომ ბევრი დაბრკოლების გადალახვა მოუწიათ, რათა შეხვედრა შემდგარიყო.

ორივე ქვეყნის ლიდერი განცალკევებით, მხოლოდ თარჯიმნების თანდასწრებით 50 წუთის განმავლობაში ლაპარაკობდნენ, შემდგომ მათ შეუერთდნენ მრჩევლები და ორივე დელეგაციის მაღალი რანგის წარმომადგენლები - აშშ-ის მხრიდან სახელმწიფო მდივანი მაიკ პომპეო, მრჩეველი ეროვნული უსაფრთხოების საკითხში ჯონ ბოლტონი, თეთრი სახლის აპარატის უფროსი ჯონ კელი, ხოლო ჩრდილოეთ კორეის მხრიდან - კორეის სამუშაო პარტიის თავმჯდომარის მოადგილე კიმ ენ ჩხოლი, ქვეყნის საგარეო საქმეთა მინისტრი ლი ონ ჰო და კორეის სამუშაო პარტიის ცენტრალური კომიტეტის თავმჯდომარის მოადგილე ლი სუ ონი.

შემდგომ მათ ხელი მოაწერეს შეთანხმებას. ჯერჯერობით უცნობია, რას ეხებოდა დოკუმენტი, თუმცა ტრამპმა მედიასთან განაცხადა, რომ ეს „მოსალოდნელზე უკეთესი გამოდგა“. მან აღნიშნა, რომ ესაა „ყოვლისმომცველი“ დოკუმენტი.

კიმ ჩენ ინმა კი განაცხადა, რომ „ჩვენ გადავწყვიტეთ, წარსული უკან დავიტოვოთ“.

აშშ-ის პრეზიდენტმა მადლობა გადაუხადა კიმ ჩენ ინს და განაცხადა, რომ „ის არის ნიჭიერი ადამიანი და მას ძალიან უყვარს საკუთარი ქვეყანა“.

ტრამპმა დასძინა, რომ „ბევრი ვისწავლეთ ერთმანეთისა და ჩვენი ქვეყნების შესახებ“.

ტრამპი კმაყოფილი ჩანდა. მან განაცხადა, რომ „მშვენიერი დღე გამოდგა“.

საბოლოო გადაწყვეტილება სამიტის ჩატარების შესახებ დონალდ ტრამპმა 1-ელ ივნისს მიიღო. მანამდე, 24 მაისს მან შეხვედრა გააუქმა, თუმცა ორი დღის შემდეგ კვლავ განაახლა მოლაპარაკებები ფხენიანთან.

დაძაბულობა აშშ-სა და ჩრდილოეთ კორეას შორის, რომელმაც კითხვის ნიშნის ქვეშ დააყენა ტრამპისა და კიმ ჩენ ინის შეხვედრა, გამოიწვია ეროვნული უსაფრთხოების საკითხებში აშშ-ის პრეზიდენტის მრჩევლის, ჯონ ბოლტონის განცხადებამ, რომ ჩრდილოეთ კორეა დენუკლერიზაციის პროცესში „ლიბიურ მოდელს“ უნდა მიჰყვეს.

2003 წელს ლიბიის მაშინდელი პრეზიდენტი მუამარ კადაფი დასავლეთს ბირთვული პროგრამის გაუქმებას დათანხმდა სანქციების მოხსნის სანაცვლოდ. 8 წლის შემდეგ პროდასავლურმა მეამბოხეებმა კადაფი მოკლეს.

ჩრდილოეთ კორეის უკმაყოფილება ასევე გამოიწვია აშშ-ისა და სამხრეთ კორეის ერთობლივმა სამხედრო სწავლებამ სახელწოდებით „Max Thunder“.

ყირგიზეთში ქვეყნის ყოფილი პრემიერი კორუფციის ბრალდებით დააკავეს

21 ივნისი, 2018 , 12:20

ქალაქ ბიშკეკის რაიონულმა სასამართლომ ყირგიზეთის ყოფილი პრემიერ-მინისტრის, ჟანტორო  სატიბალდიევის დაკავების გადაწყვეტილება მიიღო. როგორც ყირგიზეთის რესპუბლიკის ეროვნული უსაფრთხოების სახელმწიფო კომიტეტის განცხადებაშია

იენს სტოლტენბერგის თქმით, რუსეთს შეუძლია, მეზობლების წინააღმდეგ სამხედრო ძალა გამოიყენოს და ამის მაგალითებია საქართველო და უკრაინა

20 ივნისი, 2018 , 15:15

ნატოს გენერალური მდივნის, იენს სტოლტენბერგის თქმით, ის შეშფოთებულია რუსეთის ახალი სამხედრო შესაძლებლობებით. DW-სთან ინტერვიუში სტოლტენბერგმა აღნიშნა, რომ მოსკოვი აქტიურად ახორციელებს ინვესტიციებს თანამედროვე შეიარაღებაში

ავსტრიაში საქართველოს პირველი დემოკრატიული რესპუბლიკის 100 წლის იუბილე აღნიშნეს

20 ივნისი, 2018 , 14:25

ვენის მერიის სახალხო დარბაზში, საქართველოს პირველი დემოკრატიული რესპუბლიკის 100 წლისთავისადმი მიძღვნილი საზეიმო მიღება გაიმართა.  ღონისძიებაზე დამსწრე სტუმრებს სიტყვით მიმართეს ავსტრიის რესპუბლიკაში საქართველოს საქმ

ლონდონის ერთ-ერთ მეტროსადგურში მომხდარი აფეთქების შედეგად 5 ადამიანი დაშავდა

20 ივნისი, 2018 , 14:25

დიდ ბრიტანეთში, ჩრდილოეთ ლონდონში ერთ-ერთ მეტროსადგურში მომხდარი აფეთქების შედეგად 5 ადამიანი დაშავდა. აფეთქების მიზეზი ელექტროგაყვანილობის გაუმართავობა გახდა. აფეთქებამ პანიკა გამოიწვია. ადგილზე მობილიზებული იყვნენ სამა

აშშ-მ გაერო-ს ადამიანის უფლებათა საბჭო დატოვა

20 ივნისი, 2018 , 12:15

აშშ-მ გაერო-ს ადამიანის უფლებათა საბჭო დატოვა. შესაბამისი განცხადება გაერო-ში მუდმივმა წარმომადგენელმა ნიკი ჰეილიმ გააკეთა. როგორც ჰეილიმ აღნიშნა, საბჭო ფიქრობს მხოლოდ საკუთარ ინტერესებზე და ადამიანის უფლებები ,,სასაცილო

ლიეტუვის პრეზიდენტმა ქვეყანაში რუსეთის შეჭრა არ გამორიცხა

20 ივნისი, 2018 , 11:35

ლიეტუვის პრეზიდენტმა დალია გრიბაუსკაიტემ განაცხადა, რომ ქვეყანა უნდა იყოს მზად თავდასხმისთვის. ამის შესახებ გრიბაუსკაიტემ გერმანულ ჟურნალ Spiegel-ს უთხრა. „თუ ჩვენ ვაჩვენებთ, რომ შეგვიძლია და გვინდა საკუთარი თავის

ვიდეო გალერეა

სისხლში მოსვრილი ბიჭები ხორავას ქუჩიდან