უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
არქივი
სამართალი
იუსტიციის უმაღლესი საბჭოს მდივანი ანა დოლიძის მოსაზრებას არ ეთანხმება
იუსტიციის უმაღლესი საბჭოს მდივანი გიორგი მიქაუტაძე მოსამართლეთა საკვალიფიკაციო გამოცდის გამოცდების ეროვნულ ცენტრში ჩაბარებას მიუღებლად მიიჩნევს. ის განმარტავს, ეს საბჭოს კომპეტენციაა და გამოცდების ეროვნული ცენტრის ობიექტურობასთან არანაირი პრეტენზია არ აქვს.
მისი თქმით, სასამართლო ხელისუფლებიდან ასეთი ფუნქციის ხელისუფლების სხვა შტოში გადატანა არასწორი იქნება, რადგან იგი ხელისუფლების დანაწილების პრინციპს ეწინააღმდეგება და თვით სასამართლო ხელისუფლებისთვის საფრთხეს შეიცავს.
„მოსაზრების დონეზე დააფიქსირა ეს პოზიცია ქალბატონმა ანამ. პირველი – საკითხი მოწესრიგებულია ორგანული კანონით საერთო სასამართლოების შესახებ, სადაც პირდაპირ წერია, რომ იუსტიციის საბჭო ატარებს საკვალიფიკაციო გამოცდას. რაც შეეხება შინაარსობრივად რომ შევხედოთ საკითხს, ეს არის სასამართლო ხელისუფლების ვალდებულება. საკვალიფიკაციო გამოცდა არის მოსამართლეთა შერჩევა-დანიშვნის პროცესის ერთ-ერთი შემადგენელი ნაწილი, ვინაიდან იუსტიცის უმაღლესი საბჭო იუსტიციის უმაღლეს სკოლაში ვერ აირჩევს კანდიდატს, თუ მას არ აქვს საკვალიფიკაციო გამოცდა ჩაბარებული. ანუ, ეს არის შერჩევა – დანიშვნის პროცესის შემადგენელი ნაწილი,”-აღნიშნა გიორგი მიქაუტაძემ.
გიორგი მიქაუტაძის განმარტებით, საბჭო საკვალიფიკაციო გამოცდის ჩატარების სრულიად განახლებულ წესზე მუშაობს, რათა გამჭვირვალობა და უსაფრთხოება უფრო მეტად იყოს დაცული. ამისთვის ისინი საერთაშორსო ექსპერტებთან ხანგრძლივად გადიოდნენ კონსულტაციას. მისივე თქმით, ტესტები თანამედროვე სტანდარტების მიხედვით შეიქმნება.
„იუსტიციის უმაღლესი საბჭი მუშაობს საკვალიფიკაციო გამოცდის ჩატარების წესზე, რომელზეც იქნება ახალი დოკუმენტი. ჩვენ შევარჩიეთ საკვალიფიკაციო საგამოცდო კომისია, რომელიც კონფიდენციალური პროცესია. გამოცდების ეროვნული ცენტრის დახმარებით მათ გაიარეს საკვალიფიკაციო სრულყოფილი თანამედროვე ტრეინინგი. ამჟამად საბჭომ სამსჯელოდ გამოიტანა წესის პროექტი, რომლის განხილვის საშუალება ნებისმიერ დაინტერესებულ პირს ექნება“, - განაცხადა მიქაუტაძემ.
შეგახსენებთ, რომ იუსტიციის უმაღლესი საბჭოს წევრმა ანა დოლიძემ, დღეს, წამოაყენა ინიციატივა, რომლის მიხედვითაც მოსამართლეთა საკვალიფიკაციო გამოცდები გამოცდების ეროვნულმა ცენტრმა უნდა ჩაატაროს.
ცირა გურგენიძე