უკან
სამართალი
16 ოქტომბერი, 2017 12:55
იუსტიციის უმაღლესმა საბჭომ ვაკანტურ ადგილებზე მოსამართლეთა შესარჩევი კონკურსი გამოაცხადა
იუსტიციის უმაღლესმა საბჭომ 32 რაიონულ და სააპელაციო სასამართლოში 52 ვაკანტურ ადგილზე მოსამართლეთა შესარჩევი კონკურსი გამოაცხადა.
საბუთების შეტანა მოსამართლეობის მსურველ კანდიდატებს 23 ოქტომბრიდან 13 ნოემბრის ჩათვლით შეეძლებათ.
იუსტიციის საბჭოს არამოსამართლე წევრის, ნაზი ჯანეზაშვილის განცხადებით, ძირითადი კრიტერიუმებია ასაკობრივი ზღვარი, ასევე კანდიდატს უნდა ჰქონდეს გავლილი იუსტიციის უმაღლესი სკოლა და ჩაბარებული უნდა ჰქონდეს საკვალიფიკაციო გამოცდა.
"მათ შორის შეუძლიათ მოგვმართონ იმ ყოფილმა მოსამართლეებმა, რომლებსაც გამოცდილება აქვთ. კონკურსის ფარგლებში საბჭო გაესაუბრება კანდიდატებს და 2/3-ით მიიღებს გადაწყვეტილებას",- განაცხადა ჯანეზაშვილმა.
ნინო ექვთიმიშვილი