უახლესი ამბები
- 29.03.2024 16:43იუსტიციის სახლები შეფერხებით მუშაობენ
- 29.03.2024 16:06ძალადობის, მუქარისა და იძულების ფაქტებზე დაკავებულია სპეციალური პენიტენციური სამსახურის უფროსი ინსპექტორი
- 29.03.2024 15:41არ არის საკმარისი, მხოლოდ ვამაყობდეთ ჩვენი დიასპორით, საჭიროა დროზე მივცეთ მათ ის საშუალება, რაც ეკუთვნით - საარჩევნო უფლება - პრეზიდენტი
- 29.03.2024 15:10ჰოსპიტალიზაცია წინასწარ შეთანხმებულ კლინიკებში, დიდი ოდენობით ქრთამის აღება - 3 პირი დააკავეს, 2-ს ბრალდება წარედგინა
- 29.03.2024 14:52მთავრობის მიზანია, შევინარჩუნოთ მაღალი ეკონომიკური ზრდის მაჩვენებელი და ეკონომიკური ზრდა გავხადოთ უფრო მეტად ინკლუზიური - ვახტანგ ცინცაძე
- 29.03.2024 14:05„ჯორჯიან ეარვეისი“ გერმანიაში, ევრო-2024-ზე ეროვნული ნაკრების თამაშებზე დასწრების მსურველებისთვის სპეციალურ პირდაპირ ფრენებს შეასრულებს
- 29.03.2024 13:54ატმოსფერულ ჰაერში ფიქსირდება მყარი ნაწილაკების შემცველობის მატება - გარემოს ეროვნული სააგენტო
- 29.03.2024 13:40საქართველოს ტერიტორიაზე უახლოეს დღეებში ტემპერატურა 26 გრადუსამდე მოიმატებს - გარემოს ეროვნული სააგენტო
- 29.03.2024 12:02მუნიციპალური ტრანსპორტის ხუთ მარშრუტს 30 მარტიდან ავტობუსები დაემატება და მოცდის ინტერვალი შემცირდება
- 29.03.2024 11:46თავდაცვის მინისტრი საქართველოში ესტონეთის ელჩს შეხვდა
არქივი
სამართალი
ივანიშვილს, ქუმსიშვილს და ყველას, ვინც ფარულ ჩანაწერებში ფიგურირებს, სავარაუდოდ, ლონდონში დაკითხვაზე დაიბარებენ
ტელეკომპანია „რუსთავი2“ -ის ინფორმაციით, ბიძინა ივანიშვილს, დიმიტრი ქუმსიშვილს და ყველა იმ პირს, რომელიც ფარულ ჩანაწერებში ფიგურირებს, სავარაუდოდ, ლონდონში დაკითხვაზე დაიბარებენ. სარჩელი ლონდონის სასამართლოში "ომეგა ჯგუფის" დამფუძნებელმა შეიტანა. მანამდე კი ზაზა ოქუაშვილი ბოლო პერიოდის ხმაურიან თემებთან დაკავშირებით საქართველოს პროკურატურამ გამოკითხვაზე დაიბარა.
საგამოძიებო უწყებაში ახსნა-განმარტებისთვის ჩანაწერების ერთ-ერთ მთავარ მონაწილეს ირაკლი ჩუბინიშვილსაც ელოდებიან. გამოკითხვაზე ასევე უნდა მივიდნენ "ომეგა ჯგუფში" შემავალი სამი კომპანიის დირექტორები. ისინი საგამოძიებო უწყებაში გამოცხადებას ხვალ აპირებენ. გამოძიების მნიშვნელობასა და მოლოდინებზე საუბრობენ პოლიტიკოსები.
"გამოძიების პროცესში თუკი საჭიროდ ჩაითვლება, ნებისმიერი ადამიანი იქნება დაკითხული რათა დადგინდეს სიმართლე. თქვენც შეგიძლიათ ეხლა ამ ინტერვიუში დაასახელოთ ვინმეს გვარი, ვინც არ გაწყობთ, ან ნიკა გვარამიას არ აწყობს და ეს იმას არ ნიშნავს, რომ პროკურატურამ უნდა აიღოს დ ამისი დაკითხვა დაიწყოს,"-აცხადებს გია ვოლსკი.
"ნაციონალურ მოძრაობაში" კი აცხადებენ, რომ ივანიშვილი ვერ შეძლებს თავი დააღწიოს მართლმსაჯულებას ლონდონში, სადაც მას სავარაუდოდ, დაკითხვაზე დაიბარებენ.
"არ დასჯის ბიძინა ივანიშვილის ოჯახის ადვოკატი, რომელიც დღეს გენპროკურორად მუშაობს, ბიძინა ივანიშვილს. მაგრამ ამავე დროს, მას როგორც ვიცი, აუცილებლად დაუძახებენ ლონდონის სასამართლოში, სადაც შეიტანეს სარჩელი "ომეგას" დამფუძნებლებმა, მაგრამ შესაძლებელია მანამდე აქ ხელისუფლება იქნება შეცვლილი და მოუწევს უკვე ქართული მართლმსაჯულების წინაშე წარდგენა,"-აცხადებს ნიკა მელია.
"ევროპული საქართველოს" წევრი, ირმა ნადირაშვილი კი განმარტავს, რომ ხელისუფლების გუაზრებელი შედეგები დააზარალებს მის იმიჯს როგორც ქვეყნის შიგნით, ისე ქვეყნის გარეთ.
"ქართულმა ოცნებამ" მოგვიტანა ვითარება, როდესაც საქართველოს სასამართლოს ადამინები არ ენდობიან და ისინი იძულებული არიან სამართალი ეძებონ ქვეყნის გარეთ.
წყარო: რუსთავი2