კომენტარი

კახა კალაძე ოთარ ფარცხალაძის დასანქცირებასთან დაკავშირებით: საჭიროა მეტი ინფორმაციის გასაჯაროება, მეტი კონკრეტიკის წარმოდგენა

საჭიროა მეტი ინფორმაციის გასაჯაროება, მეტი კონკრეტიკის წარმოდგენა, - ამის შესახებ დედაქალაქის მერმა, კახა კალაძემ, საქართველოს ყოფილი მთავარი პროკურორის, ოთარ ფარცხალაძის სანქცირებულთა სიაში შეყვანასთან დაკავშირებით განაცხადა.

„ვფიქრობ, პირველ რიგში, ჩვენი ქვეყნის მოსახლეობა იმსახურებს, რომ საქართველოს მოქალაქეზე, რომელზეც ამბობენ, რომ სანქცირებულია და კონკრეტულ ბრალდებაზე იყო საუბარი, მეტი ინფორმაცია იყოს წარმოდგენილი. როდესაც ვსაუბრობთ, რომ შესწავლა დაიწყო, ალბათ შესაბამისი უწყება თავის კოლეგებს მიმართავს, რომ მეტი ინფორმაცია იყოს წარმოდგენილი აღნიშნულ საკითხთან დაკავშირებით. გახსოვთ, მოსამართლეების შემთხვევაში ვიზების შეზღუდვასთან დაკავშირებით გადაწყვეტილება იყო მიღებული, თუმცა ახსნა-განმარტებაში ვერავინ ვერაფერი გაიგო, რატომ იყო ეს გადაწყვეტილება მიღებული, რას უკავშირდებოდა. სტრატეგიულ პარტნიორზე როცა არის საუბარი და ასეთი გადაწყვეტილების მიღება ხდება, სულ მცირე, საზოგადოებისთვის ცნობილი უნდა იყოს, რა არის მიზეზი“, – განაცხადა კახა კალაძემ.