უახლესი ამბები
- 23.10.2024 13:12გარემოს ეროვნული სააგენტო 24-26 ოქტომბერს საქართველოში მოსალოდნელი ამინდის შესახებ ინფორმაციას აქვეყნებს
- 23.10.2024 12:49ავარიული მრავალბინიანი სახლების ჩანაცვლების პროგრამის ფარგლებში პირველი პროექტი დასრულებულია - კახა კალაძე
- 23.10.2024 12:15გვაქვს სია, როგორ არიან გადანაწილებული ძალოვნები სხვადასხვა საარჩევნო უბნებზე - გიორგი ბოტკოველი
- 23.10.2024 12:05საქართველოს ბანკის მხარდაჭერით, „ვარკეთილი მოლი“ შენდება
- 23.10.2024 11:58საქართველოს ეროვნული ბანკი მონეტარული პოლიტიკის განაკვეთს უცვლელად, 8.0 პროცენტზე ინარჩუნებს
არქივი
მოზაიკა
თბილისი რიგით 27-ე ჯაზფესტივალს მასპინძლობს
თბილისში რიგით 27-ე ჯაზფესტივალი მიმდინარეობს. ღონისძიებას შოთა რუსთაველის ეროვნული თეტრი წელს პირველად მასპინძლობს. ფესტივალის ორგანიზატორია კომპანია „ისთერნ პრომოუშენსი“. ტრადიციულად კი მას თიბისი კონცეპტი წარმოადგენს.
ჯაზფესტივალი 22 მაისს გრემის ჯილდოს მფლობელი ამერიკელი გიტარისტის, ბილ ფრიზელის ტრიომ გახსნა. მეორე დღეს ქართველი მსმენელის წინაშე წარდგებიან ასევე მსოფლიოში სახელგანთქმული შემსრულებლები: ჯონ პატიტუჩი (ბასი), დეივ ვექლი (დასარტყამი ინსტრუმენტი) და ჯოი კალდერაცო (ფორტეპიანო). 24 მაისს კი ღონისძიებას გრემის ნომინანტი, საყოველთაოდ აღიარებული ჯაზვოკალისტი სთეისი კენტი საქსოფონისტ ჯიმ ტომლინსონსა და პიანისტ არტ ჰირიჰარასთან ერთად დახურავს.
როგორც „ისთერნ პრომოუშენსის“ დამფუძნებელმა მიხეილ გიორგაძემ ჟურნალისტებს განუცახადა, საქართველოში ჯაზფესტივალს ხანგრძლივი და მდიდარი ისტორია აქვს. ის ჯერ კიდევ 1978 წელს გაიხსნა.
„ასეთი ხანგრძლივობა კი ჯაზფესტივალს დიდ ავტორეტეტს სძენს. ამიტომაც, საქართველოში მოსაწვევად უმაღლესი დონის მუსიკოსების დარწმუნება აღარ გვჭირდება“, - აღნიშნა მიხეილ გიორგაძემ.
მისივე თქმით, თბილისის წლევანდელი სტუმრებიც, ტრადიციულად, ჯაზის სამყაროს გამორჩეული ვარსკვლავები არიან. ღონისძიების გახსნის დროსაც ხაზი იმ გარემოებას გაესვა, რომ ჯაზფესტივალი ყველაზე ძველი და დიდი ტრადიციების მქონე ფესტივალია საქართველოში.
„ის საბჭოთა ეპოქაში დაიწყო, დამოუკიდებელ საქართველოში აღდგა და გაგრძელდება საქართველოში, რომელიც აუცილებლად გახდება ევროკავშირის წევრი“, - მიიჩნევენ „ისთერნ პრომოუშენსში“.