პოლიტიკა

კახა კუკავა და დიმიტრი ლორთქიფანიძე მთაწმინდის საარჩევნო ოლქში ხმების გადათვლას ითხოვენ

საარჩევნო ბლოკი „დემოკრატიული მოძრაობა-თავისუფალი საქართველო“ მთაწმინდის ოლქში უბნების შედეგების ხელახალ გადათვლას მოითხოვს.

ამის შესახებ თბილისის საქალაქო სასამართლოში დღეს, 28 ოქტომბერს გაიმართა სასამართლო პროცესი. ბლოკის ინტერესებს პროცესზე წარმოადგენდნენ კახა კუკავა და დიმიტრი ლორთქიფანიძე.

ბლოკმა პროცესზე მიიყვანა მოწმე, რომელიც როგორც ადასტურებს, რომ მთაწმინდის N13 უბანზე ხმა მისცა „დემოკრატიული მოძრაობა-თავისუფალ საქართველოს“, თუმცა შემაჯამებელ ოქმში ბლოკს უწერია 0 (ნული) ხმა.

„დემოკრატიული მოძრაობა-თავისუფალი საქართველოს“ ინდორმაციით, ამას გარდა, ოქმებში აღმოჩენილია არაერთი არსებითი ხასიათის დარღვევა.

სასამართლოს გადაწყვეტილება მოგვიანებით გახდება ცნობილი.