უახლესი ამბები
- 19.04.2024 17:25ქოცებო, თქვე ნაცებო შეწყვიტეთ ეს მორიგი უსუსური გადაწყვეტილება, რომელიც 26 ოქტომბერს საპარლამენტო არჩევნებში თქვენი მარცხის შიშს ეფუძნება - „გახარია საქართველოსთვის“
- 19.04.2024 17:15ნარკოტიკული საშუალებების გასაღებასა და უკანონო შემოსავლის ლეგალიზაციაში 3 ბრალდებულს უვადო, ხოლო 2 ბრალდებულს 19 და 18 წლით თავისუფლების აღკვეთა მიესაჯათ
- 19.04.2024 16:23მშიშარმა და ლაჩარმა მდინარაძემ რომ ვერ გაბედა პასუხის გაცემა, პოლიცია დამასაია, უფრო სწორად “ძაღლობა” დამასია - ალეკო ელისაშვილი
არქივი
სამართალი
კახეთში ადგილობრივები სახელმწიფოსგან საქართველოს ბანკის საკუთრებაში არსებული მიწის გამოსყიდვას მოითხოვენ
დედოფლისწყაროში 4 სოფლის მოსახლეობა ხელისუფლებისგან 3 500 ჰექტარი მიწის გამოსყიდვას ითხოვს.
საუბარია, სახნავ-სათესი მიწებზე, რომელიც ამ დროისთვის საქართველოს ბანკის საკუთრებაშია.
მიწები 2012 წელს სესხის სანაცვლოდ კომპანია ,,ჯეოაგრომ“ დააგირავა. კომპანია 2016 წლამდე სესხის პირობებით გათვალისწინებულ ვალდებულებებს არ ასრულებდა, რის გამოც 3 500 ჰა ბანკის საკუთრებაში გადავიდა.
ადგილობრივები აქციას სოფელ ზემო ქედაში მართავენ.
მოსახლეობის განცხადებით, მაშინ, როდესაც ეს მიწები ეკუთვნოდა ,,ჯეოაგროს“, კომპანია გლეხებს აძლევდა იმის საშუალებას, რომ გირის სანაცვლოდ მათ ეს მიწები დაემუშავებინათ.
თუმცა, მას შემდეგ, რაც საქართველოს ბანკის საკუთრებაში გადავიდა აღნიშნული მიწები, საქართველოს ბანკს დაცვა ჰყავს დაყენებული ტერიტორიაზე და აღარ აძლევს ადგილობრივებს მიწის დამუშავების უფლებას.
აქციის მონაწილეები აცხადებენ, რომ მიმართავენ რადიკალურ ზომებს, მოაწყობენ გაფიცვებს და ჩაშლიან სასწავლო პროცესს სკოლებსა და ბაღებში.
მათივე თქმით, აღნიშნული მიწების გამოსყიდვა სახელმწიფოს ვალდებულებაა, რადგან საქმე გლეხებს ეხება, რომლებსაც მიწების დამუშავების საშუალება აღარ აქვთ.
,,მივაკითხავთ დედოფლისწყაროში გამგებელს და ის იძულებული იქნება, გამოიძახოს გუბერნატორი და პარლამენტში არჩეული დეპუტატი. კეთილი ინებოს და მთავრობამ მისცეს მათ დავალება, რათა გადავწყვიტონ ეს პრობლემა მშვიდობიანად. წინააღმდეგ შემთხვევაში გაფიცვებს მოვაწყობთ, არც სკოლებს მივცემთ მუშაობის საშუალებას, არც ბაღებს და არც იმ გამგებელს არ შევუშვებთ კაბინეტში“, - აცხადებს აქციის ერთ-ერთი მონაწილე.
ნინო ექვთიმიშვილი