კომენტარი

ხელისუფლება მიმართავს სადამსჯელო ღონისძიებებს დამოუკიდებელი მედიისა და სამოქალაქო საზოგადოების წინააღმდეგ - მიხეილ სააკაშვილი

საქართველოს ყოფილმა პრეზიდენტმა, მიხეილ სააკაშვილმა გამოცემა “ფორინ პოლისს” ინტერვიუ მისცა.

სააკაშვილის განცხადებით, "ქართულ ოცნებას" საკმარისი დრო და რესურსი ჰქონდა იმისთვის, რომ 2012 წელს ამომრჩევლებისთვის მიცემული დაპირებები შეესრულებინა, თუმცა არ ჰქონდა ამის პოლიტიკური ნება.

სააკაშვილი ამბობს, რომ გაუარესებული ეკონომიკური მდგომარეობის, უმუშევრობისა და მმართველი პარტიის შეუსრულებელი დაპირებების გამო ამომრჩევლების 61 პროცენტმა, არჩევნების პირველ ტურში მმართველი პარტიის კანდიდატის წინააღმდეგ მისცა ხმა.

“ნაცვლად იმისა, რომ განეხორციელებინათ მნიშვნელოვანი რეფორმები და შეემცირებინათ ხალხის უკმაყოფილება, ხელისუფლება მიმართავს სადამსჯელო ღონისძიებებს დამოუკიდებელი მედიისა და სამოქალაქო საზოგადოების წინააღმდეგ,”- აცხადებს მიხეილ სააკაშვილი.