სამართალი

ხორავას ქუჩაზე მოზარდების მკვლელობის საქმეზე ბრალდებულები სასამართლომ პატიმრობაში დატოვა

ხორავას ქუჩაზე მოზარდების მკვლელობის საქმეზე ბრალდებული ორივე პირი თბილისის საქალაქო სასამართლოს გადაწყვეტილებით პატიმრობაში რჩება.

როგორც დღევანდელი სასამართლო სხდომის დასრულების შემდეგ ბრალდებულთა ადვოკატმა ეკა მაჭარაშვილმა ჟურნალისტებთან საუბრისას განაცხადა, მოსამართლის განმარტებით, არსებობს მიმალვის, ახალი დანაშაულის ჩადენის და მოწმეებზე ზეწოლის საფრთხე.

ადვოკატის თქმით, დაცვის მხარეს აღკვეთის ღონისძიების გადახედვის საკითხი არ დაუყენებია, თუმცა, საპროცესო კოდექსის თანახმად, არასრულწლოვანის შემთხვევაში, სასამართლო ვალდებულია გადასინჯოს აღმკვეთი ღონისძიების საკითხი 20 დღეში ერთხელ.