სამართალი

ხორავას ქუჩის საქმეზე ბრალდებული დ.ღ-ის ადვოკატის მტკიცებით, მიხეილ კალანდიას ჩვენება მისი კლიენტის უდანაშაულობას ამტკიცებს

ხორავას ქუჩაზე მომხდარი მკვლელობის საქმეზე ცრუ ჩვენების მიცემისთვის ბრალდებული დ.ღ.-ის სასამართლო პროცესზე ბრალდების მხარის მოწმეები დაიკითხნენ. დ.ღ.-ის ადვოკატის, ფრიდონ სიხუაშვილის განცხადებით, მისი დაცვის ქვეშ მყოფის უდანაშაულობა მიხეილ კალანდიას მიერ მიცემული ჩვენებით კიდევ ერთხელ დადასტურდა. მისივე თქმით, დ.ღ-ის უდანაშაულობა მტკიცდება პროკურორ ფხაკაძის ჩვენებითაც.

„დ.ღ.-ის, თითქოს, ცრუ ჩვენება გამოიხატა იმაში, რომ მ.კ-ს მიმართ არ დაადასტურა რაღაც გარემოებები, ამ შემთხვევაში დარტყმა ხელის თუ ა.შ. დღეს მოწმემ უარყო, მხოლოდ ის იყო ფიზიკურ კონტაქტში იმ განხრით, რომ დავით სარალიძეს ქაჩავდა უკან. სხვა დარტყმა ამ შემთხვევაში ხელის თუ ა.შ., მას ეს არ დაუდასტურებია. აქედან გამომდინარე, თუ რა უნდა ყოფილიყო და ამ ნაწილში როგორ მისცა ჩემი დაცვის ქვეშ მყოფმა ცრუ ინფორმაცია ან ცრუ ჩვენება“,- განაცხადა ადვოკატმა.

ადვოკატისგან განსხვავებული პოზიცია აქვს ბრალდების მხარეს. პროკურორ ბესიკ ქვარცხავას თქმით, მოწმის ჩვენების საფუძველზე ბრალდებულის ბრალეულობა მტკიცდება.