უკან
პოლიტიკა
20 ივლისი, 2018 14:50
ხორავას ქუჩის საქმეზე მიცემული ცრუ ჩვენების ბრალდებით დაკავებული არასრლწლოვანი ბრალს ნაწილობრივ აღიარებს - ადვოკატი
ხორავას ქუჩაზე მოზარდების მკვლელობის საქმეზე მიცემული ცრუ ჩვენების ბრალდებით დაკავებულ არასრლწლოვან დ.ღ-ს ბრალი ოფიციალურად წაუყენეს. ბრალდებულის ადვოკატის, გოჩა კვარაცხელიას ინფორმაციით, დ.ღ. ბრალს ნაწილობრივ აღიარებს, კერძოდ, ზაზა სარალიძესთან შეხვედრის დამალვის ნაწილში.
„ცრუ ჩვენების მუხლით ბრალი ოფიციალურად წაუყენეს. ის ნაწილობრივ ცნობს დამნაშავედ თავს. კერძოდ, ერთ ნაწილში, ზაზა სარალიძის ნაწილში ცნობს თავს დამნაშავედ და ამბობს, რომ მათ შორის საუბარი ნამდვილად შედგა. სასამართლოს კი ამის თაობაზე თავად ზაზა სარალიძის თხოვნით არ მოახსენა. საუბარში კი ისეთი მნიშვნელოვანი არ ყოფილა, რომ გამოძიებას ან სასამართლოს ხელი შეშლოდა", - განაცხადა კვარაცხელიამ.
ადვოკატმა აღნიშნა, რომ დეტალებზე საქმის მასალების გაცნობის შემდეგ ისაუბრებს.