უახლესი ამბები
არქივი
კომენტარი
ხორავას ქუჩის საქმეზე შექმნილი საგამოძიებო კომისიის დასკვნა არის სასიკვდილო განაჩენი ჩვენი პროკურატურისთვის - ანა დოლიძე
იუსტიციის უმაღლესი საბჭოს არამოსამართლე წევრის, ანა დოლიძის შეფასებით, ხორავას ქუჩის საქმის შემსწავლელი საგამოძიებო კომისიის დასკვნა სასიკვდილო განაჩენის ტოლფასია პროკურატურისთვის.
დოლიძის თქმით, კომისიის მუშაობა კარგი პრეცედენტია და ის გამოძიებისთვის მთავარი დოკუმენტი უნდა გახდეს.
„ვფიქრობ, დასკვნა არის მართლაც რომ სასიკვდილო განაჩენი ჩვენი პროკურატურისთვის და მთელი ის საფეხურები, როგორ შეითითხნა ეს საქმე, რომ პასუხისმგებლობიდან გამომძვრალიყვნენ კონკრეტული პირები; რეალურად არის სულ მცირე სასწავლებელი მასალა ჩვენი იურიდიული ფაკულტეტებისთვის, რომ ვუთხრათ მომავალ გამომძიებლებს, როგორ არ უნდა იმოქმედონ“, -თქვა დოლიძემ.
ცნობისთვის, ოთხშაბათს ხორავას ქუჩაზე მომხდარი მკვლელობის საქმეზე შექმნილმა პარლამენტის საგამოძიებო კომისიამ ხმათა უმრავლესობით „ევროპული საქართველოს“ მიერ მომზადებული დასკვნა დაამტკიცა.
67-გვერდიან დასკვნას კომისიის ცხრა წევრმა - თავად „ევროპული საქართველოს“ წარმომადგენლებმა დაუჭირეს მხარი.
„ქართული ოცნების“ დასკვნის ვარიანტს კი, კომისიაში „ქართული ოცნების“ უმრავლესობის ოთხმა დეპუტატმა დაუჭირა მხარი.
ხორავას ქუჩაზე მე-11 კლასის მოსწავლეები ლევან დადუნაშვილი და დავით სარალიძე 1-ელ დეკემბერს მოკლეს.