მსოფლიო

ხვალ დიდ ბრიტანეთში წლის ქორწილი გაიმართება

ხვალ დიდ ბრიტანეთში წლის ქორწილი გაიმართება - დიდი ბრიტანეთის სამეფო ტახტის რიგით მეექვსე მემკვიდრე, პრინცი ჰარი ამერიკელ მსახიობ მეგან მარკლზე იქორწინებს.

ცერემონია შუადღეს უინძორის სასახლეში, წმინდა გიორგის სამლოცველოში დაიწყება. სადღესასწაულო ღონისძიებას მილიონობით ადამიანი დააკვირდება მთელი მსოფლიოს მასშტაბით.

სავარაუდოდ, სამეფო ოჯახში შესვლის შემდეგ მეგან მარკლს სასექსის ჰერცოგინიას ტიტულს მიანიჭებენ, რომელიც ვაკანტურია 1843 წლიდან.

ქორწილს არ დაესწრება პატარძლის მამა თომას მარკლი. გავრცელებული ინფორმაციით, მან ცოტა ხნის წინ გულზე ოპერაცია გადაიტანა. ცერემონიაზე იქნება მეგანის დედა დორია რაგლანდი.

წლის ქორწილთან დაკავშირებით სასახლის მიმდებარე ტერიტორიაზე უსაფრთხოების ზომებია გამკაცრებული. დაცვა გააძლიერეს იმ სასტუმროებთან, სადაც პრინცი ჰარი და მისი საცოლე მეგან მარკლი რჩებიან.

საქორწინო ცერემონიისთვის სამ, სხვადასხვა ზომის ტორტს აცხობენ.

ხვალინდელი დღესთან დაკავშირებით გინესის წიგნში ის დიზაინერი მოხვდება, რომელიც ჰარისა და მეგანს შეუღლებას ყველაზე დიდი ზომის ბარათით მიულოცავს.