უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
- 23.04.2024 17:26კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
- 23.04.2024 17:21ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
- 23.04.2024 15:47ჩემი აზრით, ის ხალხი, რომელიც ჩამოდის აქციაზე, ყველაზე საცოდავი ხალხია – იაგო ხვიჩია
- 23.04.2024 15:39საქართველოს ბანკის მხარდაჭერით, საქართველოში KIABI – ს პირველი ფილიალი გაიხსნა
არქივი
პოლიტიკა
ხვალ თუ გრიგოლ ვაშაძე დამისვამს კითხვას, დებატებში პასუხს გავცემ - სალომე ზურაბიშვილი
„გრიგოლ ვაშაძის კითხვებს ხვალ გავცემ პასუხს“, – ამის შესახებ „ქართული ოცნების“ მიერ მხარდაჭერილმა პრეზიდენტობის კანდიდატმა - სალომე ზურაბიშვილმა თავისი ოპონენტის, გრიგოლ ვაშაძის დღეს, პრესკონფერენციაზე დასმულ კითხვებთან დაკავშირებით განაცხადა.
„არაფერს არ ვუპასუხებ ბატონ ვაშაძეს, რომელმაც მომმართა არაერთხელ და სულ სხვადასხვა ტონალობაში. ამიტომ, არანაირად არ ვთვლი ვალდებულად თავს, რომ ბატონ ვაშაძეს გავცე რამე პასუხი.
ამ საკითხებზე მქონდა პასუხები, მაგრამ ხვალ თუ დამისვამს კითხვას, იქ პასუხს გავცემ“, – განუცხადა ზურაბიშვილმა ჟურნალისტებს.
გრიგოლ ვაშაძემ დღეს განაცხადა, რომ პირველ არხზე დაგეგმილ ხვალინდელ დებატებში სალომე ზურაბიშვილს ოთხი შეკითხვით მიმართავს. ესენია:
1. საგამოძიებო კომისიის წევრობისას, რატომ არ მიეცით ხმა სარალიძის მკვლელების დასჯას?
2. რატომ არ გამოეხმაურეთ და რა პოზიცია გაქვთ ციხეში მირზა სუბელიანის ფარულ ჩანაწერებზე, საიდანაც დასტურდება უკანონო შეიარაღებული ბანდების მიერ ადამიანების გატაცება, წამება, უკანონო გარიგება სარალიძის საქმეზე და მკვლელებისთვის ხელის დაფარება?
3. რატომ არ გამოეხმაურეთ და რა პოზიცია გაქვთ კომპანია „ომეგას“ ივანიშვილის და ფარცხალაძის მიერ დარეკეტებაზე და დამოუკიდებელი ტელეკომპანია „იბერიის“ დახურვაზე?
4. რატომ არ გამოეხმაურეთ და რა პოზიცია გაქვთ ბოლო ორი კვირის განმავლობაში მედიაში ნაჩვენებ „ქართული ოცნების“ მაღალჩინოსნების სასახლეებზე, რომელთა ღირებულება მნიშვნელოვნად აღემატება მათ შემოსავლებს და სავარაუდოდ შეძენილია კორუფციის გზით?“, – აღნიშნულია ვაშაძის შეკითხვებში.