უკან

უახლესი ამბები

დღის კალენდარი

ანონსები

არქივი

პოლიტიკა

26 თებერვალი, 2018 17:50
font-size

კომპანია `ომეგა ჯგუფის` აღმასრულებელი მენეჯერი საგანგებო გაცხადებას აკეთებს

,,ომეგა ჯგუფის“ გენერალური მენეჯერი ლევან აღდგომელაშვილი ტელეკომპანია ,,იმედის“ ეთერში ,,ომეგა ჯგუფისა“ და ტელეკომპანია ,,იბერიის“ შესახებ გასულ სიუჟეტს ეხმიანება.

,,გვსურს გამოვეხმაუროთ გუშინ ტელეიმედის ეთერში გასულ სიუჟეტს. თავიდანვე აღვნიშნავთ, რომ ჩვენს მიზანს არ წარმოადგენს რომელიმე ტელეკომპანიის ზოგადი სარედაქციო პოლიტიკის კრიტიკა. ჩვენი მიზანი და ვალდებულებაა, პასუხი გავცეთ იმ სიცრუეს, რამაც სიუჟეტში ჩვენი მისამართით გაიჟღერა:

1. სიუჟეტში ითქვა, რომ საქალაქო სასამრთლომ კი აღიარა „ომეგა ჯგუფის“ ზარალი, მაგრამ არავისთვის დაუკისრებია კომპენსაციის ანაზღაურება. აღვნიშნავთ, რომ ეს არის ტყუილი. საქალაქო სასამართლომ აღიარა ომეგა ჯგუფის ზიანი და ზიანის - 100 მლნ დოლარის ანაზღაურება სწორედ „ბრითიშ ამერიკან ტობაკოს“ დააკისრა;

2. სიუჟეტში ისიც ითქვა, რომ უზენაესმა სასამართლომ ჩვენი სარჩელი დაუშვებლად სცნო. ესეც ტყუილია, რადგან, მართალია უზენაესმა სასამართლომ არ დააკმყოფილა ჩვენი საჩივარი, მაგრამ სარჩელი დასაშვებად სცნო.

3. სიუჟეტში ასევე გააჟღერდა აბსოლუტურად გამოგონილი ფაქტი, რომ თითქოს ორიოდ წლის წინ სასამართლომ „ფილიპ მორისს“ „ომეგას“ სასარგებლოდ 70 მილიონის კომპენსაცია დააკისრა. ამგვარი სასამართლო გადაწყვეტილება ბუნებაში არ არსებობს და, შესაბამისად, ტელეიმედის ფანტაზიის ნაყოფია.

4. სიუჟეტში „ბრითიშ ამერიკან ტობაკოს“ წარმომადგენელი ცინიკური ღიმილით აცხადებდა, რომ „ომეგა ჯგუფს“ უკავია შესაბამისი ბაზრის 5% და 100 მლნ დოლარი არის აბსურდული და წარმოუდგენელი. ტელეიმედს რომ ჰქონოდა ობიექტურობის მციროდენი განზრახვა მაინც, აუცილებლად დაისმეოდა შეკითხვა - რატომ ან რის შემდეგ შემცირდა „ომეგა ჯგუფის“ ბაზრის წილი 5%-მდე.

ცნობისათვის, „ბრითიშ ამერიკან ტობაკოს“ მიერ იმ მტაცებლური ფასებისა და კონკურენციის შემზღუდველი სხვა ქმედებების დაწყებამდე, რომლებიც დღესაც გრძელდება, ჩვენი ბაზრის წილი 25%-ს შეადგენდა. სწორედ BAT-ის უკანონო ქმედებების შედეგად შემცირდა ჩვენი ბაზრის წილი. ასევე, შემცირდა ზოგადად ადგილობრივი წარმოების წილი საქართველოს ბაზარზე, რაც ბრითიშ ამერიკან ტობაკოს მიზანს წარმოადგენდა. „ომეგა ჯგუფის“ სასამართლო დავის ერთერთი მთავარი მიზეზი იყო სწორედ ჩვენი ბაზრის წილის შემცირება, რაც „ბრითიშ ამერიკან ტობაკოს“ მიერ წარმოებული უკანონო ქმედებებით იყო გამოწვეული. ბოლოს კი გვსურს აღვნიშნოთ, რომ „ომეგა ჯგუფისა“ და ტელეკომპანია „იბერიის“ ირგვლივ შექმნილ ვითარებას, საზოგადოებრივი მაუწყებელი და ტელეიმდი იდენტური მესიჯბოქსებითა და ხელწერით აშუქებენ. მათ, ვინც იციან შევახსენებთ, ხოლო ვისთვისაც ცნობილი არაა გვსურს მათ განვუმარტოთ, რომ ტელეიმედი ეს ის ტელეკომპანიაა, რომლის მფლობელობაშიც აღმოჩნდა იბერიისათვის 2004 წელს წართმეული სამაუწყებლო ლიცენზია, მაშინ როდესაც 2012 წელს ტელეიმედი ამჟამინდელ მფლოებელებს დაუბრუნდათ. თუმცა, თავის დროზე ზეწოლის ქვეშ მყოფი ტელევიზიის ახლანდელ მეპატრონეებს არც კი უფიქრიათ ზეწოლის მსხვერპლი „იბერიისათვის“ დაებრუნებინა მისი კანონიერი საკუთრება. უფრო მეტიც, ტელეკომპანიის მესვეურებმა იბერიის სამაუწყებლო ლიცენზიის ბაზაზე მოინდომეს გასართობი არხის შექმნა და კომუნიკაციების მარეგულირებელ კომისიაში შესაბამისი განცხადებაც კი ჰქონდათ შეტანილი. ტელეკომპანია იბერიამ თავისი ლიცენზია მხოლოდ სასამართლოში დავის დაწყების შემდეგ დაიბრუნა იმედის მფლობელებისაგან. ამიტომ, გვაქვს სრული საფუძველი, რომ ეჭვი შევიტანოთ ტელეიმედის გულწრფელობაში, როდესაც ისინი თითქოს სოლიდარობას უცხადებენ ზეწოლის ქვეშ მყოფ ტელევიზიასა და ბიზნესს“, - ნათქვამია განცხადებაში.

პარლამენტის პირველი სხდომის პარალელურად ოპოზიციური ლიდერები ხელს მოაწერენ სამ სხვადასხვა დოკუმენტს - დავით ბაქრაძე

28 ნოემბერი, 2020 , 17:15

„ევროპული საქართველოს“ ლიდერის დავით ბაქრაძის განცხადებით, მეათე მოწვევეის პარლამენტის შეკრების დღეს, ოპოზიცია შეიკრიბება და ლიდერები სამ მნიშვნელოვან დოკუმენტს მოაწერენ ხელს. ამის შესახებ „ევროპული საქ

პარლამენტის პირველი სხდომის შეკრების დღეს რუსთაველზე მასშტაბური აქცია აღარ გაიმართება

28 ნოემბერი, 2020 , 17:15

"ლეიბორისტული პარტიის" ოფისში ოპოზიციის წევრების შეხვედრა ცოტა ხნის წინ დასრულდა - მათ სამოქმედო ნაბიჯები შეათანხმეს და პარლამენტის პირველი სხდომის დღის აქტივობა დაგეგმეს. "როდესაც შეიკრიბება მე-10 მოწვევის "კომუნისტური

ზურაბ აბაშიძესა და გრიგორი კარასინს შორის შეხვედრა ონლაინ ფორმატში გაიმართა

28 ნოემბერი, 2020 , 10:35

ქართულ-რუსული არაფორმალური დიალოგის ფარგლებში, რუსეთის ფედერაციასთან ურთიერთობის საკითხებში საქართველოს პრემიერ-მინისტრის სპეციალური წარმომადგენლის ზურაბ აბაშიძის და რუსეთის ფედერალური სათათბიროს ფედერალური საბჭოს წევრის

ძალიან მნიშვნელოვანია პარლამენტის დროული ამოქმედება და ჩართულობა, რათა განხორციელდეს სოციალური და ბიზნესის მხარდაჭერისთვის აუცილებელი საკანონმდებლო ცვლილებები - ივანე მაჭავარიანი

26 ნოემბერი, 2020 , 17:30

ძალიან მნიშვნელოვანია პარლამენტის დროული ამოქმედება და ჩართულობა, რათა განხორციელდეს სოციალური და ბიზნესის მხარდაჭერისთვის აუცილებელი საკანონმდებლო ცვლილებები, - განაცხადა ფინანსთა მინისტრმა ივანე მაჭავარიანმა საკოორდინა

საქართველოს მთავრობა გამოხატვის თავისუფლებას არ შეზღუდავს - გიორგი გახარია

26 ნოემბერი, 2020 , 17:05

რაც შეეხება აქციებს, საქართველოს მთავრობა გამოხატვის თავისუფლებას არ შეზღუდავს, - ამის შესახებ საქართველოს პრემიერ-მინისტრმა გიორგი გახარიამ, ბრიფინგზე განაცხადა. მთავრობის მეთაურის თქმით, ამ საკითხშიც მარტივი გამოსავალი

არჩევნები რომ არ უნდა გადაგვედო, ეს დადასტურდა იმ რაოდენობის ადამიანებით, რომლებიც მივიდნენ და მისცეს ხმა ქვეყნის შემდგომ დემოკრატიულ განვითარებას - გიორგი გახარია

26 ნოემბერი, 2020 , 16:45

არჩევნები რომ არ უნდა გადაგვედო, ეს დადასტურდა იმ რაოდენობის ადამიანებით, რომლებიც მივიდნენ და ჩვენს ქვეყანაში მისცეს ხმა ქვეყნის შემდგომ დემოკრატიულ განვითარებას, - ამის შესახებ საქართველოს პრემიერ-მინისტრმა გიორგი გახა