სამართალი

ლაშა გოგიას მიმართ გამოძიება ქრთამის აღების ფაქტზე დაიწყო

ზუგდიდის ყოფილი მერის, ლაშა გოგიას მიმართ სახელმწიფო უსაფრთხოების სამსახურმა გამოძიება ქრთამის აღების ფაქტზე სისხლის სამართლის კოდექსის 338-ე მუხლით დაიწყო.

არსებული ინფორმაციით, საქმე ეხება ერთ-ერთი ბიზნესმენისგან ქრთამის აღებას მიწის დაკანონების სანაცვლოდ.

სავარაუდოდ სწორედ აღნიშნული მიზეზით დატოვა ლაშა გოგიამ მერის თანამდებობა.

აღსანიშნავია, რომ ლაშა გოგია რამდენიმე დღის წინ სუს-ში გამოკითხვაზე კიდევ ერთ საქმეზე იმყოფებოდა. საუბარია, ზუგდიდის ბოტანიკური ბაღების მართვის ცენტრის საქმიანობის შესახებ დაწყებულ გამოძიებაზე.