პოლიტიკა

ლეიბორისტულმა პარტიამ საკონსტიტუციო კომისია პროტესტის ნიშნად დატოვა

ლეიბორისტული პარტიის წევრის, გიორგი გუგავას განცხადებით, მან საკონსტიტუციო ცვლილებებზე მომუშავე სახელმწიფო კომისია პროტესტის ნიშნად დატოვა.

გუგავამ მედიასთან საუბარში გადაწყვეტილების მიზეზი განმარტა.

მისი თქმით, კომისიის მიერ წარდგენილი კონსტიტუციის პროექტი, ქართველი ხალხისა და ქართული სახელმწიფოს ინტერესებს არ ემსახურება.

„წარმოდგენილი კონსტიტუციის პროექტი არ ემსახურება ქართველი ხალხისა და ქართული სახელმწიფოს ინტერესებს. ის მორგებულია ერთი პიროვნების, არაფორმალური მმართველის - ივანიშვილის ინტერესებს, რათა ქვეყანაში მრავალი წლით დაამყაროს ერთპიროვნული დიქტატორული რეჟიმი. წართმეული აქვს ქართველ ხალხს პრეზიდენტის პირდაპირი არჩევის წესი. ამავე დროს, აკანონებენ ისეთი საპარლამენტო არჩევნების წესს, სადაც შესაძლებელი იქნება პარლამენტის მანდატების მოპარვა. აქედან გამომდინარე, მე პროტესტის ნიშნად დავტოვე ეს კომისია და კენჭისყრას ბოიკოტი გამოვუცხადე“,-განაცხადა პოლიტიკოსმა.

მონიკა დავლიანიძე