სამართალი

ლევან დადუნაშვილის მკვლელობის საქმეზე დაცვის მხარე ექსპერტიზის უცხოეთში დანიშვნას ითხოვს

ხორავას ქუჩაზე მომხდარ მოზარდების მკვლელოის საქმეზე თბილისის საქალაქო სასამართლოს განაჩენის სამოტივაციო ნაწილი მხარეებს ჩაბარდათ.

განაჩენის სამოტივაციო ნაწილის შეფასებისას ლევან დადუნაშვილის მკვლელობის საქმეზე მსჯავრდებულის ადვოკატი აცხადებს, რომ მოსამართლე ეკა არეშიძის მიერ გამოტანილ განაჩენს ნაწილობრივ არ ეთანხმება.

„ჩვენ ამას გავასაჩივრებთ. დიდი იმედი მაქვს, რომ განაჩენი ლევან დადუნაშილისეპიზოდში შეიცვლება და ჩემი დაცვის ქვეშ მყოფს მკვლელობის მუხლი მოეხსნება. ასევე ძალიან დიდი იმედი მაქვს, საპარლამენტო კომისიის, რომელთანაც ჩვენ ვითანამშრომლებთ და ამომწურავ ინფორმაციას მივცემთ საზოგადოებას. მივმართავ კომისიას, უცხოეთში დაინიშნოს კომისიური ექსპერტიზა, გაიგზავნოს შესაბამისი მტკიცებულებები და ის დოკუმენტაცია, რითაც პასუხი უნდა გაეცეს კითხვას ვის მიერ არის მოკლული ლევან დადუნაშვილი. ამასთან დაკავშირებით ჩვენ ბოლომდე ვიბრძოლებთ და ვეცდები დავამტკიცო, რომ ლევან დადუნაშვილის მკვლელობის ეპიზოდში ჩემი დაცვის ქვეშ მყოფი უდანაშაულოა“, - აცხადებს ადვოკატი ინგა შარაშენიძე ტელეკომპანია ,,იმედთან“ საუბარში.