სამართალი

ლევან როსტოშვილს და მსახიობ ლაშა კურტანიძეს სასჯელის ვადა შეუმცირდათ

ნარკოდანაშაულისთვის მსჯავრდებულ ტელეწამყვან ლევან როსტოშვილთან და მსახიობ ლაშა კურტანიძესთან საპროცესო შეთანხმება გაფორმდა, რომლის საფუძველზეც ორივე მათგანს სასჯელის ვადა შეუმცირდა.

ინფორმაცია საზოგადოებრივ მაუწყებელთან საუბარში ადვოკატმა მალხაზ სალაყაიამ დაადასტურა.

ადვოკატის განმარტებით, დღეს სააპელაციო სასამართლოში შედგა განხილვა, სადაც გაფორმდა საპროცესო შეთანხმება, რომლის მიხედვითაც რეალური სასჯელის ვადათ ლაშა კურტანიძეს ერთი, ხოლო ლევან როსტოშვილს კი სამი წელი განესაზღვრათ. მათვე დაეკისრათ 40 ათასი ლარი ჯარიმის გადახდა და პირობითი სასჯელი, კურტანიძის შემთხვევაში სამი წელი და როსტოშვილის შემთხვევაში ოთხი წელი.

ცნობისათვის, საქალაქო სასამართლოს გადაწყვეტილებით, ლევან როსტოშვილს 8 წლით, ხოლო მსახიობ ლაშა კურტანიძეს 5 წლით თავისუფლების აღკვეთა ჰქონდა მისჯილი.

ლევან როსტოშვილი და ლაშა კურტანიძე მიმდინარე წლის 5 მაისს დააკავეს. გამოძიების ინფორმაციით, როსტოშვილსა და კურტანიძეს 42.9524 გრამი ნარკოტიკული საშუალება MDMA აღმოაჩნდათ.

მათ წინააღმდეგ საქმე აღძრულია სისხლის სამართლის კოდექსის 260-ე მუხლის მე-6 ნაწილით, რაც ნარკოტიკული საშუალების, მისი ანალოგის, პრეკურსორის ან ახალი ფსიქოაქტიური ნივთიერების უკანონო დამზადებას, წარმოებას, შეძენას, შენახვას, გადაზიდვას, გადაგზავნას ან გასაღებას ითვალისწი