უკან

უახლესი ამბები

დღის კალენდარი

ანონსები

არქივი

პოლიტიკა

21 აპრილი, 2018 16:00
font-size

მამუკა ბახტაძე ევროკავშირის სამეზობლო პოლიტიკისა და გაფართოების საკითხებში გენერალური დირექტორატის ხელმძღვანელის მოადგილეს შეხვდა

ამერიკის შეერთებულ შტატებში ვიზიტის ფარგლებში, საქართველოს ფინანსთა მინისტრი მამუკა ბახტაძე ევროკავშირის სამეზობლო პოლიტიკისა და გაფართოების საკითხებში გენერალური დირექტორატის ხელმძღვანელის მოადგილეს, კატარინა მატერნოვას შეხვდა.

ფინანსთა მინისტრმა, მამუკა ბახტაძემ ევროკავშირის სამეზობლო პოლიტიკისა და გაფართოების საკითხებში გენერალური დირექტორატის ხელმძღვანელის მოადგილეს მადლობა გადაუხადა საქართველოში განხორციელებული და მიმდინარე რეფორმების დაფინანსებისთვის, როგორც საბიუჯეტო მხარდაჭერის, ისე საინვესტიციო პროექტების მიმართულებით, ისეთ სფეროებში როგორებიცაა: საფინანსო სექტორის განვითარება, წყალი, ენერგეტიკა, გარემოს დაცვა, ინფრასტრუქტურა.

მხარეებმა, ასევე, ისაუბრეს საქართველოში ევროკავშირის მხრიდან გაწეული დახმარების პროგრამების მიმდინარეობაზე. განსაკუთრებით, ხაზი გაესვა ევროკავშირის ახალი საგარეო საინვესტიციო გეგმის (EU EIP) განხორციელების მნიშვნელობას. EU EIP მორგებულია თითოეული პარტნიორი ქვეყნის სპეციფიკურ საჭიროებებსა და მოთხოვნებზე და 2020 წლამდე, პარტნიორ ქვეყნებში იგეგმება 44 მილიარდი ევროს რესურსის მობილიზება.

როგორც აღინიშნა, ევროკავშირის ახალი მექანიზმის მიზანია, ბიზნეს და საინვესტიციო კლიმატის გაუმჯობესების მიზნით, ხელი შეუწყოს აღმოსავლეთ პარტნიორობის, მათ შორის, საქართველოსა და ევროკავშირის ფართო სამეზობლო ქვეყნებში ინვესტიციების განხორციელებას, ეკონომიკურ ზრდასა და სამუშაო ადგილების შექმნას.

შეხვედრაზე, ასევე, ყურადღება გამახვილდა იმ შესაძლებლობებზე, რომელიც საქართველოს აქვს როგორც ღრმა და ყოვლისმომცველი თავისუფალი ვაჭრობის შესახებ შეთანხმებით, ასევე, ენერგოეფექტურობის პოლიტიკის მიმართულებით.

„საქართველოს დელეგაციასთან გვქონდა სასიამოვნო და კონსტრუქციული შეხვედრა. ჩემს კოლეგებთან ერთად, შევხვდით ფინანსთა მინისტრს და ეროვნული ბანკის ხელმძღვანელს. ვისაუბრეთ ქვეყნის მიერ მიღწეულ პროგრესზე. გილოცავთ შთამბეჭდავ 5%-იან ეკონომიკურ ზრდას, რომელიც გქონდათ 2017 წელს. ქვეყნის მაკროეკონომიკური მდგომარეობის გარდა, ვისაუბრეთ იმ საინვესტიციო შესაძლებლობებზე, რომელიც საქართველოში ევროკავშირის ახალი საგარეო საინვესტიციო გეგმის ფარგლებში განხორციელდება. განსაკუთრებით აღვნიშნეთ ორი საინვესტიციო სფეროს შესაძლებლობები. ერთ-ერთია ენერგოეფექტურობა და კავშირგაბმულობა. ამასთან დაკავშირებით, მნიშვნელოვანია საქართველოს პარლამენტის მიერ „სივრცის დაგეგმარებისა და სამშენებლო საქმიანობის კოდექსის“ პირველი მოსმენით განხილვა, რაც გზას გაუხსნის ინვესტიციების განხორციელებას მშენებლობის დარგში, შექმნის ახალ სამუშაო ადგილებს და ახალ კომპანიებს, რომლებსაც შეეძლებათ ენერგოეფექტური მასალების წარმოება. მეორე სფერო, რაზეც ვისაუბრეთ ეხება მიკრო, მცირე და საშუალო ბიზნესის მხარდაჭერას, რადგან თქვენი ქვეყნისთვის მთავარი ამოცანაა, ის შთამბეჭდავი ეკონომიკური ზრდა, რომელიც გაქვთ, გახდეს უფრო მეტად ინკლუზიური, შეეხოს თითოეულ მოქალაქეს და რეგიონის მოსახლეობამაც ხელი შეუწყოს ადგილობრივ ეკონომიკურ განვითარებას. გვჯერა, რომ საგარეო საინვესტიციო გეგმით გათვალისწინებული ახალი ინსტრუმენტები ამ მიზნების განხორციელებაში დაგეხმარებათ,“ - განაცხადა ევროკავშირის სამეზობლო პოლიტიკისა და გაფართოების საკითხებში გენერალური დირექტორატის ხელმძღვანელის მოადგილემ, კატარინა მატერნოვამ.

როგორც შეხვედრაზე აღინიშნა, ევროკავშირი E5P-ის ინსტრუმენტის, ასევე, სხვა საერთაშორისო საფინანსო ინსტიტუტების დახმარებით, გააგრძელებენ ფინანსურ მხარდაჭერას ქვეყანაში ენერგოეფექტური პროექტების განხორციელების მიზნით.

ნათია თურნავა ბელარუსის პრემიერ-მინისტრს სერგეი რუმასს შეხვდა

19 თებერვალი, 2020 , 17:15

ბელარუსის რესპუბლიკაში ვიზიტით მყოფი საქართველოს ეკონომიკისა და მდგრადი განვითარების მინისტრი ნათია თურნავა ბელარუსის პრემიერ-მინისტრს სერგეი რუმასს შეხვდა. ინფორმაციას ეკონომიკის და მდგრადი განვითარების სამინისტრო ავრცე

„ქართული ოცნება“ წარმოადგენს, თავისი არსით და ბუნებით, კომუნისტურ, ნომენკლატურულ რევანშს „ვარდების რევოლუციის“ ფასეულობების წინააღმდეგ - გიორგი კანდელაკი

19 თებერვალი, 2020 , 17:15

,,საბჭოთა კავშირის ჰიმნი ქართულ ,,ოცნებას" ზედ აკვდება",- ამის შესახებ ჟურნალისტებთან "ევროპული საქართველოს" წევრმა გიორგი კანდელაკმა განაცხადა. „საკუთარი თავის მოსულელება „ქართულ ოცნებას“ ხან კარგად გა

პარლამენტში საბჭოთა კავშირის ჰიმნის გაჟღერება ქართული სახელმწიფოს შეურაცხყოფა და კანონმდებლობის დარღვევაა - სალომე ზურაბიშვილი

19 თებერვალი, 2020 , 15:35

საქართველოს პრეზიდენტი სალომე ზურაბიშვილი ეხმაურება „ევროპული საქართველოს“ დეპუტატების ირმა ნადირაშვილისა და ელენე ხოშტარიას 18 თებერვლის პერფორმანსს. „საქართველოს პარლამენტში საბჭოთა კავშირის ჰიმნის გა

ვერ მიაღწევენ ამ პრინციპით მოქმედებას, რომელსაც ჰქვია გათიშე და იბატონე -რომან გოცირიძე

19 თებერვალი, 2020 , 15:35

„ნაციონალური მოძრაობის“ საპარლამენტო ფრაქციის თავმჯდომარე რომან გოცირიძე აცხადებს, რომ „ქართული ოცნება“ სხვადასხვა პარტიასთან ინდივიდუალური მოლაპარაკებით ვერ მიაღწევს ოპოზიციურ გაერთიანებაში ბზარი

ეროვნული უსაფრთხოების საბჭოს მდივნად ვახტანგ გომელაური დაინიშნა

19 თებერვალი, 2020 , 10:55

შინაგან საქმეთა მინისტრი ვახტანგ გომელაური ეროვნული უსაფრთხოების საბჭოს მდივნად დაინიშნა, - ამის შესახებ დღევანდელ მთავრობის სხდომაზე, პრემიერ-მინისტრმა გიორგი გახარიამ განაცხადა. როგორც მთავრობის მეთაურმა აღნიშნა კანონმ

50 მილიონი რომ გამქრალია თბილისის ბიუჯეტიდან ამაზე არავინ ვდავობთ, ამიტომ დააბრუნეთ - ბექა დავითულიანი

18 თებერვალი, 2020 , 19:33

თბილისის საკრებულოს სხდომაზე ფრაქცია „ქართული ოცნება-დემოკრატიული საქართველოს“ თავმჯდომარე ბექა დავითულიანი ბოლო პერიოდში განვითარებულ მოვლენებს გამოეხმაურა. საკრებულოს ინფორმაციით, ბექა დავითულიანმა თბილისის

პირდაპირი TV

daily calendar

ვიდეო გალერეა

ზაზა ოქუაშვილის პირდაპირი ჩართვა გადაცემაში `რეაქცია`