კომენტარი

მამუკა ბახტაძისა და გიორგი გახარიას დანიშვნით ორივე უწყების მართვის ეფექტიანობის ხარისხი გაიზრდება - ირაკლი კობახიძე

პარლამენტის თავმჯდომარე ირაკლი კობახიძე პერემიერ-მინისტრის გადაწყვეტილებას სამთავრობო და საკადრო ცვლილებასთან დაკავშირებით მიესალმება.

მისი თქმით, ეს ინიციატივა ემსახურება მთავრობაში მართვის სისტემის რაციონალიზაციას.

რაც შეეხება ფინანსთა და შინაგან საქმეთა მინისტრობის კანდიდატებს, კობახიძე აღნიშნავს, რომ მამუკა ბახტაძისა და გიორგი გახარიას დანიშვნით ორივე უწყების მართვის ეფექტიანობის ხარისხი გაიზრდება.

„პრემიერ- მინისტრის გადაწყვეტილება ემსახურება მთავრობაში მართვის სისტემის რაციონალიზაციას, ეფექტიანობის კიდევ უფრო ამაღლებას. აქედან გამომდინარე, ჩვენ მივესალმებით იმ სულისკვეთებას, რომელსაც ეფუძნება პრემიერის ეს ინიციატივა.

რაც შეეხება საკადრო გადაწყვეტილებებს, პერსონალურ გადაწყვეტილებებს, რომელიც შეეხება კონკრეტულად ფინანსთა სამინისტროს და შინაგან საქმეთა სამინისტროს, ვფიქრობ, ორივე კანდიდატი როგორც ფინანსთა მინისტრობის, ასევე შს მინისტრობის კანდიდატი შეესაბამება იმ მაღალ მოთხოვნებს, რომელსაც უნდა პასუხობდეს როგორც შს მინისტრი, ასევე ფინანსთა მინისტრი.

მე ვფიქრობ, ამ ორი კანდიდატის დამტკიცების შემთხვევაში და მე დარწმუნებული ვარ, რომ პარლამენტი მათ ნდობას გამოუცხადებს, გაიზრდება როგორც ერთი, ისე მეორე უწყების მართვის ეფექტიანობის ხარისხი“, - განაცხადა ირაკლი კობახიძემ.

მონიკა დავლაინიძე