კომენტარი

მამუკა მდინარაძე - აღმასრულებელ ხელისუფლებაში გადასვლაზე: მსგავსი არაფერი ხდება

„ქართული ოცნების“ საბურთალოს # მე-4 საარჩევნო ოლქის მაჟორიტარობის კანდიდატმა მამუკა მდინარაძე მედიაში გავრცელებულ ინფორმაციას გამოეხმაურა, რომლის მიხედვით, ქვეყნის შინაგან საქმეთა მინისტრად მისი დანიშვნა იგეგმება.

როგორც მდინარაძემ Facebook-ში საკუთარ გვერდზე დაწერა, „მსგავსი არაფერი ხდება“.

„ყველას ძალიან ვთხოვ ნუ აყვებიან მედიის მიერ გავრცელებულ აბსოლუტურად უსაფუძვლო ინფორმაციას, ჩემი აღმასრულებელ ხელისუფლებაში გადასვლის შესახებ. მსგავსი არაფერი ხდება. იგივეს ვთხოვ ყველა ჟურნალისტს. ამ დღეების განმავლობაში რამდენიმეჯერ მომიწია ამ თემაზე კომენტარის გაკეთება და ყველგან იგივე დავაფიქსირე. სამწუხაროდ ჩემი კომენტარების ნაცვლად კვლავ არასწორი ინფორმაცია ვრცელდება“,-დაწერა მამუკა მდინარაძემ.

მონიკა დავლიანიძე