პოლიტიკა

მამუკა ბახტაძე ფინანსთა მინისტრად ინიშნება

ფინანსთა სამინისტროს ახალი ხელმძღვანელი ჰყავს. ამ თანამდებას მამუკა ბახტაძე დაიკავებს.

ამის შესახებ ცნობილი დღეს გამართულ ბრიფინგზე გახდა, სადაც მთავრობის მეთაურმა, გიორგი კვირიკაშვილმა მედიას საკადრო ცვლილებები გააცნო.

ბახტაძე ამჟამად საქართველოს რკინიგზის გენერალური დირექტორია.

,,მას აქვს ძალიან კარგი განათლება და გამოცდილება და აჩვენა კონკრეტული შედეგები საქართველოს რკინიგზის მართვის პირობებში. სწორედ ამ პერიოდში მოხდა საქართველოს რკინიგზის ინტეგრაცია აბრეშუმის გზის დერეფანში, დაიწყო ყურის ქვეყნებსა და შავი ზღვის დამაკავშირებელი ახალი სატრანზიტო დერეფნის შექმნაზე ძალიან აქტიური მუშაობა. მოხდა თანამედროვე მართვის სისტემების დანერგვა ადა ახალი თანამედროვე მოძრავი შემადგენლობის შემოყვანა.

მამუკა ბახტაძე გახლავთ ტექნიკურ მეცნიერებათა დოქტორი. მან ბიზნესის ადმინისტრირების მაგისტრის ხარისხი მოიპოვა ცნობილ ბიზნეს სკოლაში საფრანგეთში“, - განაცხადა კვირიკაშვილმა.

ნინო ექვთიმიშვილი