კომენტარი

მე არანაირი ინფორმაცია გუნდის შიგნით განაწყენებაზე არ მაქვს - ზვიად ძიძიგური

კონსერვატიული პარტიის ლიდერის, საპარლამენტო უმრავლესობის წევრ ზვიად ძიძიგურს „ქართული ოცნების“ შიგნით ვინმეს განაწყენებაზე ინფორმაცია არ აქვს.

ამის შესახებ ძიძიგურმა პრესკონფერენციაზე შესაბამისი შინაარსის კითხვის საპასუხოდ განაცხადა.

„არანაირი ინფორმაცია მე განაწყენებაზე არ მაქვს. კომიტეტის თავმჯდომარეების საკითხის ყველა განხილვა საკმაოდ მშვიდ ვითარებაში მიმდინარეობდა. ყველაფერი მოხდა კონსტრუქციულად, ორი კომიტეტის საკითხი ისევ კონსულტაციის პროცესშია. ახალი სახეები, ჩვენი გადაწყვეტილებით, მეტ ბერკეტს მიიღებენ პარლამენტში და ეს გადაწყვეტილებაც მოულოდნელი არც ერთი ჩვენგანისთვის არ იყო“, -განაცხადა ზვიად ძიძიგურმა.

მონიკა დავლიანიძე