საზოგადოება
მერიამ ბოტანიკური ბაღის მიმდებარედ უკანონო ნებართვა გასცა - ირაკლი ნადირაძე
თბილისის საკრებულოს ნაციონალური მოძრაობის დეპუტატის, ირაკლი ნადირაძის ინფორმაციით, თბილისის მერიამ ბოტანიკური ბაღის მიმდებარედ, გამწვანებულ ტერიტორიაზე ბიძინა ივანიშვილის კომპანიისთვის მშენებლობის უკანონო ნებართვა გასცა.
როგორც ნადირაძემ საკრებულოში გამართულ ბრიფინგზე განაცხადა, დიდი ალბათობით, ტერიტორიაზე ხე-ნარგავების გაჩეხვა იგეგმება. ნადირაძის თქმით, დავით ნარმანიამ ნებართვის იმით ისარგებლა, რომ ბოლო პერიოდში პოლიტიკური პარტიების ყურადღება არჩევნებზე იყო გადატანილი.
საკრებულოს დეპუტატი მერიას და ,,ქართულ ოცნებას“ მოუწოდებს, სანამ საკითხი ექსპერტების მიერ არ იქნება განხილული, არ გამოიტანონ საკრებულოს სხდომაზე და არ მოხდეს მისი გადაწყვეტა.
,,ბოლო რამდენიმე თვის განმავლობაში პოლიტიკური პარტიების ყურადღება, ისევე როგორც საზოგადოების ყურადღება, გადატანილი იყო არჩევნებზე. როგორც ჩანს, ამით ისარგებლა დავით ნარმანიამ და ,,ქართულმა ოცნებამ“ და არჩევნებიდან სამ დღეში მან ბიძინა ივანიშვილის კომპანიისთვის გასცა მშენებლობის ახალი ნებართვა. ეს არის ბოტანიკური ბაღის მიმდებარე ტერიტორია, რომელიც არის მთლიანად გამწვანებული. არსად არ არის ნათქვამი და წარმოდგენილი, თუ რა ელის იქ ხე-ნარგავებს. შესაბამისად, დიდი ალბათობით ამ ხეებს გაჩეხავენ. მეორე მნიშვნელოვანი მომენტია, რომ მშენებლობის ნებართვას თბილისის მერია ბიძინა ივანიშვილის კომპანიას აძლევს იმ ადგილას, სადაც ეს წინა ხელისუფლების დროს ჰქონდა ხელშეკრულებით აკრძალული“, - განაცხადა ირაკლი ნადირაძემ.
მარი ნამგალაძე
საკვანძო სიტყვები:
მთავრობის ადმინისტრაციასთან მოქალაქეები ხელისუფლებისგან ეკოლოგიურ საკითხებზე გამკაცრებულ რეგულაციებს ითხოვენ
22 სექტემბერი, 2018 , 17:40
ლაშა ტალახაძემ მსოფლიო რეკორდი გააუმჯობესა
22 სექტემბერი, 2018 , 17:40
მეცნიერებისა და ინოვაციების ფესტივალი საზეიმოდ გაიხსნა
22 სექტემბერი, 2018 , 17:40
ინფორმაცია საზღვარგარეთ მყოფი საქართველოს მოქალაქეებისთვის 2018 წლის 28 ოქტომბრის საქართველოს პრეზიდენტის არჩევნებში მონაწილეობასთან დაკავშირებით
22 სექტემბერი, 2018 , 17:15
მოსამართლეთა სამუშაო შეხვედრა საარჩევნო საკითხებზე
22 სექტემბერი, 2018 , 16:35
თემირლანის საფლავთან ამომივიდნენ, აქ უნდოდათ დოლ-გარმონის გამართვა - თემირლან მაჩალიკაშვილის დედა
22 სექტემბერი, 2018 , 15:55
