მსოფლიო

მიხეილ ჯანელიძის განცხადებით, საქართველო ბრიტანელ ხალხს მხარდაჭერას უცხადებს

„საქართველო ბრიტანელ ხალხსა და ქვეყნის მთავრობას მხარდაჭერას უცხადებს“, - ამის შესახებ საქართველოს საგარეო საქმეთა მინისტრმა მიხეილ ჯანელიძემ დიდი ბრიტანეთის საკითხზე გამოხმაურების მიზნით, საკუთარ „ტვიტერზე“ დაწერა.

"მკაცრად ვგმობთ სოლსბერიში მომხდარ თავდასხმას. ჩვენ სრულ მხარდაჭერას ვუცხადებთ ჩვენ სტრატეგიულ პარტნიორს, გაერთიანებულ სამეფოს, სიმართლის დადგენის პროცესში"- წერს მიხეილ ჯანელიძე.

შეგახსენებთ, რომ რუსეთის დაზვერვის ყოფილი ოფიცრის სერგეი სკრიპალის მოწამვლასთან დაკავშირებით, დიდი ბრიტანეთმა 23 რუსი დიპლომატის გაძევება გადაწყვიტა. ამის შესახებ დიდი ბრიტანეთის პრემიერ-მინისტრმა ტერეზა მეიმ, გუშინ, ბრიტანეთის პარლამენტში სიტყვით გამოსვლისას განაცხადა.

ცირა გურგენიძე