მსოფლიო

მიხეილ სააკაშვილს მკვლელობა იგეგმება - უკრაინელი ჟურნალისტი

საქართველოს ყოფილი პრეზიდენტისა და ოდესის ექს-გუბერნატორის, მიხეილ სააკაშვილის მკვლელობა იგეგმება. ამის შესახებ ფეისბუკის საკუთარ გვედრზე უკრაინული ტელეარხ ATR-ის ერთ-ერთმა ხელმძღვანელმა, აიდერ მუჟდაბაევმა დაწერა.

წყაროსგან მიღებული ინფორმაციით, სააკაშვილის მოკვლას რუსული ГРУ-ის აგენტები 17 ოქტომბერს შეეცდებიან.

„მიხეილ სააკაშვილს მკვლელობა ემუქრება, სავარაუდოდ, 17 ოქტომბერს. მას უთვალთვალებენ რუსეთის მთავარი სადაზვერვო სამმართველოს (ГРУ-ის) აგენტები და მოსკოვის ბრძანების შემთხვევაში, ისინი საკუთარ საქმეს გააკეთებენ. გასცემენ თუ არა ბრძანებას, საკითხავია, მაგრამ თუ გასცემენ, მაშინ შეეცდებიან, პასუხისმგებლობა დააკისრონ მთლიანად უკრაინულ ხელისუფლებასა და ირიბად - პრეზიდენტ პოროშენკოს. ჩვენი პრეზიდენტის ადგილას ვიზრუნებდი სააკაშვილის სრულ უსაფრთხოებაზე.

პ.ს. წყაროს ნუ მეკითხებით არც პირადში, არანაირად. მაგრამ ის ჩემს ნდობას იწვევს. მე ჟურნალისტი ვარ და ეთიკა ვიცი. ეს გამორიცხულია“, - დაწერა აიდერ მუჟდაბაევმა.

ანა მებურიშვილი