უახლესი ამბები
- 25.04.2024 13:43საქართველოს ბანკის მხარდაჭერით აჭარა კოლექტივი რადიო ქალაქის პროექტს ახორციელებს
- 25.04.2024 12:59საქართველოს პროკურატურამ საფრანგეთის, შვეიცარიის და ლიეტუვის უწყებების წარმომადგენლების ჩართულობით, ფართომასშტაბიანი ტრანსნაციონალური დანაშაული გახსნა
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
მსოფლიო
„მიშა-მაიდანის მოლოდინში” - მიხეილ სააკაშვილის აქციის გამო კიევში უსაფრთხოების ზომებია გამკაცრებული
კიევში, საქართველოს ექს-პრეზიდენტის, ოდესის ოლქის ყოფილი გუბერნატორის მიხეილ სააკაშვილის პარტია „ახალ ძალთა მოძრაობა“, სხვა ოპოზიციურ პარტიებთან ერთად, უკრაინის რადას შენობასთან აქციას მართავს.
ისინი პარლამენტისგან სადეპუტატო იმუნიტეტის გაუქმებას, საარჩევნო კოდექსის შეცვლასა და ანტიკორუფციული სასამართლოს შექმნას ითხოვენ.
უკრაინული მედიის ინფორმაციით, კიევის ცენტრში, რადას შენობის მიმდებარე ტერიტორიაზე, მობილიზებულია დიდი რაოდენობით სამართალდამცველი.
მიტინგის გამო შეზღუდულია ქალაქშიც გადაადგილება.
კერძოდ, სამთავრობო კვარტალთან, სადოვაიას, გრუშჩევსკისა და შელკოვიჩნი ქუჩებზე იმ ადამიანების შემოწმება მიმდინარეობს, ვინც უმაღლეს რადეაში აპირებს მოხვედრას.
გარდა ამისა, იმ ადგილზე, სადაც აქცია მიმდინარეობს, პოლიცია ადამიანებს ჩანთებს და მანქანების საბარგულებს ამოწმებს.
სახალხო დეპუტატმა სერგეი ლეშჩენკომ სოციალურ ქსელში დაწერა, რომ პრეზიდენტის ადმინისტრაციასთან მისასვლელი ყველა ქუჩა გადაკეტილია.
„მიშა-მაიდანის მოლოდინში, ხელისუფლებამ პოროშენკოს ადმინისტარაციის მისადგომები ეროვნული გვარდიის ტექნიკით ჩაკეტა, პრეზიდენტის ადმინისტრაციის გარშემო კვარტლები დღეს საღამოს დაპირისპირების ზონად გადაიქცევა, მიმდებარე ქუჩებში უკვე განთავსებულია ეროვნული გვარდიის ავტომობილები“,-დაწერა დეპუტატმა.
მონიკა დავლიანიძე