მსოფლიო

მკაცრი საუბარი მქონდა პრეზიდენტ პუტინთან - დონალდ ტრამპი

ამერიკის 45-ე პრეზიენტის დონალდ ტრამპის თქმით, G20-ის სამიტზე, რუსეთის პრეზიდენტს მკაცრად ესაუბრა.

ამის შესახებ ტრამმა Reuters-თვის მიცემულ ინტერვიუში განაცხადა.

„მკაცრი საუბარი მქონდა პრეზიდენტ პუტინთან. ჩვენ ძალიან მნიშვნელოვანი ურთიერთობები გვაქვს. ეს ურთიერთობებია, რომლის ფარგლებში უამრავი სიცოცხლე შეიძლება იქნას გადარჩენილი, მაგალითად, როგორც სირიაში ცეცხლის შეწყვეტის შესახებ მიღებული შეთანხმება“,- განაცხადა ტრამპმა.

მისივე თქმით, პუტინისთვის პირდაპირ კითხვაზე -ერეოდა თუ არა იგი ამერიკის არჩევნებში, რუსეთის პრეზიოდეტმა კატეგორიულად უპასუხა, რომ „არა“.

„მე მას ვკითხე: „შენ ეს გააკეთე?“; მან მითხრა: „არა, არ გამიკეთებია“. შემდეგ მეორეჯერ დავუსვი მას ეს კითხვა. მან კიდევ ერთხელ უარყო ეს“,-აღნიშნა აშშ-ის პრეზიდენტმა.

მონიკა დავლიანიძე