მსოფლიო

მოსკოვში ქართული ტაძრის მაგივრად ღვინის სახლი გაიხსნება - შეშფოთებული მრევლის პოსტი სოციალურ ქსელში

„მოსკოვში მდებარე წმინდა გიორგის სახელობის ქართული ტაძრის სარდაფში საცხობია გახსნილია და პირველ სართულზე რემონტი მიდის და მალე ისტორიული შენობის მაგივრად ღვინის სახლი გაიხსნება“, - ამის შესახებ ფეისბუკმომხმარებელმა გივი მდივნიშვილმა დაწერა, რომელმაც პოსტს ამის ამსახველი ვიდეო დაურთო.

„შეშფოთებას ვეღარ ვმალავ! მოსკოვის ქართულ ეკლესიაში გახსნილია კაფე-ბარი და სამარხვო დღეებში იქ ამზადებენ ხორციან კერძებს, ხინკალს, ჩაშუშულს, მწვადებსა და ა.შ.. შევედით და ჩაშუშული და ხინკალი შევუკვეთეთ, გამოვედით და გადავყარეთ ეს ყველაფერი ნაგავში - ვაჩვენეთ, რომ ასე არ უნდა იყოს, ეს სირცხვილია! გიორგის სახელობის ტაძრის ეზო ბიზნეს-ცენტრად აქციეს. ტაძრის სარდაფში საკონდიტრო ცეხია გაკეთებული და ისინი მუშაობენ შეკვეთებზე. ფილიალები მთელ მოსკოვშია. ასევე ტაძარში სურთ მაღაზიის გაკეთება. ხალხი ამბობს, რომ იქ ღვინოს გაყიდვას აპირებენ. ამ სარდაფში ყველაფერია სიწმინდის გარდა“, - დაწერა სოციალური ქსელის მომხმარებელმა.

ანა მებურიშვილი