მსოფლიო

მოსკოვში ტილერსონის შეხვედრები მოსალოდნელზე უკეთესად დასრულდა - დონალდ ტრამპი

ამერიკის პრეზიდენტის დონალდ ტრამპის განცხადებით, სახელმწიფო მდივნის რექს ტილერსონის სამუშაო ვიზიტი მოსკოვში, მოსალოდნელზე უკეთესად დასრულდა.

ამის შესახებ ტრამპმა ნატოს გენერალურ მდივან იენს სტოლტენბერგთან ერთობლივ პრესკონფერენციაზე განაცხადა.

„ყველაფერმა საკმაოდ კარგად ჩაიარა. შესაძლოა, უკეთესადაც, ვიდრე მოსალოდნელი იყო. რაც შეეხება რუსეთთან ურთიერთობას, ალბათ, ისტორიულ მინიმუმზე ვიმყოფებით“,-აღნიშნა ამერიკის პირველმა პირმა.

შეგახსენებთ, რომ ამერიკის სახელმიწფო მდივანმა რექს ტილერსონმა მოსკოვში ორდღიანი სამუშაო ვიზიტი განახორციელა, რომლის ფარგლებში რუს კოლეგას, და რუსეთის პრეზიდენტს შეხვდა.

მონიკა დავლიანიძე