უკან

უახლესი ამბები

დღის კალენდარი

ანონსები

არქივი

სამართალი

20 მარტი, 2017 18:20
font-size

მოწმემ დაადასტურა, რომ ,,ომეგა ჯგუფის’’ საკონტროლო პაკეტის დათმობით დაინტერესებულნი იყვნენ იმდროინდელი ხელისუფლების მაღალჩინოსნები - პროკურორი

თბილისის საქალაქო სასამართლოში ტელეკომპანია ,,იბერიას’’ დახურვისა და სამაუწყებლო ლიცენზიის დათმობის საქმეზე პროცესი ბრალდების მხარის მტკიცებულებათა გამოკვლევით განახლდა.

სხდომათა დარბაზში ბრალდების მხარის მოწმე, ბესარიონ კეიდია დაიკითხა, რომელიც უშუალო მომსწრე იყო იმ პროცესის, რომლის დროსაც ,,ომეგა ჯგუფის’’ დამფუძნებელ, ზაზა ოქუაშვილს საკონტროლო პაკეტის დათმობას სთხოვდნენ.

მოწმის თქმით, ზაზა ოქუაშვილი მან ბიზნესმენ ბადრი პატარკაციშვილთან დააკავშირა, რომელიც როგორც თავად ამბობს, მისი ბიზნესპარტნიორი და ახლო მეგობარი იყო.

ბესარიონ კეიდიას ინფორმაციით, შეხვედრაზე, რომელსაც ასევე ესწრებოდნენ, ვანო ჩხარტიშვილი და დავით ბეჟუაშვილი, ბადრი პატარკაციშვილმა ზაზა ოქუაშვილს გააცნო პრეზიდენტ მიხეილ სააკაშვილის მოთხოვნა იმის შესახებ, რომ მას სახელმწიფო ბიუჯეტში უნდა შეეტანა 4 მილიონი და ასევე გაჩერებულიყო ტელეკომპანია ,,იბერიას’’ მუშაობა. მოწმის თქმითვე, პრეზიდენტის მიერ დასახელებული თანხის გადახდას მას ბადრი პატარკაციშვილი, ვანო ჩხარტიშვილი, დავით ბეჟუაშვილი და თავად დაპირდნენ, სანაცვლოდ კი, ითხოვდნენ ,,ომეგა ჯგუფში’’ შემავალი კომპანიების 51%-ს.

მოწმის განცხადებით, ამ შეხვედრის შემდეგ შეთანხმება აღარ შედგა, რადგან როგორც ის ამბობს, ,,ზაზა ოქუაშვილი ფეხს ითრევდა და ამბობდა, ქონებას მართმევენ, მაყაჩაღებენო.’’

როგორც კეიდია იხსენებს, მისი შუამავლობით ბადრი პატარკაციშვილმა ზაზა ოქუაშვილს შეუთვალა, რომ თუ კომპანიების წილებს არ დათმობდა, მას დაიჭერდნენ. მოწმის თქმით, ჩუბინაშვილზე გამართულ შეხევდრაზე, რომელსაც ზაზა ოქუაშვილის მეგობარი, ირაკლი ბათიაშვილი და ნოტარიუსი ნუნუ გინტურიც ესწრებოდნენ, მან ,,ომეგა ჯგუფის’’ ხელმძღვანელს გადასცა პატარკაციშვილის დანაბარები, რომელშიც საუბარი უკვე არა 51 %-ის, არამედ 65%-ის სასწრაფოდ დათმობაზე იყო. კეიდია ამბობს, რომ მისთვის უცნობია, თუ ვისზე უნდა მომხდარიყო საბოლოოდ ,,ომეგა ჯგუფის’’ წილების გადაფორმება.
,,კონკრეტულად ვინ ითხოვდა, არ ვიცი, მაგრამ მთავრობიდან, რომ მოდიოდა ეს მოთხოვნა, ვიცი და სააკაშვილს რომ შეხვდა ბადრი, ეგეც ვიცი. ზაზა კვლავ უარზე იყო. მე ვუთხარი, შენი საქმის შენ იცითქო და ამ შეხვედრის შემდეგ, ზაზა აღარ მინახავს’’, - აღნიშნა ბესარიონ კეიდიამ.

მისივე ინფორმაციით, ბადრი პატარკაციშვილს ახლო ურთიერთობა ჰქონდა ყოფილი ხელისუფლების მაღალჩნოსნებთან და მას ხშირად სტუმრობდნენ თავად მიხეილ სააკაშვილი, ვანო მერაბიშვილი, ირაკლი ოქრუაშვილი და ვანო ჩხარტიშვილი.

როგორც პროცესის დასრულების შემდეგ ჟურნალისტებს საქმის პროკურორმა, ემზარ გაგნიძემ განაცხადა, მოწმემ დაადასტურა, რომ ,,ომეგა ჯგუფის’’ საკონტროლო პაკეტით დაინტერესებულნი იყვნენ იმჟამიდელი ხელისუფლების მაღალჩინოსნები.

,,ბესარიონ კეიდია იყო ბიზნესმენ ბადრი პატარკაციშვილის ნდობით აღჭურვილი პირი. თავის მხრივ, ბადრი პატარკაციშვილი იყო იმდროინდელ ხელისუფლებასთან დაახლოევებული ბიზნესმენი. სწორედ ბადრი პატარკაციშვილმა, როდესაც შეიცვალა ხელისუფლება, ვგულისხმობ ,,ვარდების რევოლუციას,’’ შეუთვალა ზაზა ოქუაშვილს შეხვედრა, რომელზეც ბესარიონ კეიდია წარმოადგენდა ბადრი პატარკაციშვილს. შეხვედრაზე მან მოსთხოვა ზაზა ოქუაშვილს, იმისათვის რომ ხელისუფლებასთან პრობლემები არ შექმნოდა მას და მის ბიზნესს, ხელისუფლების სასარგებლოდ უნდა შეეტანა რამდენიმე მილიონი სახელმწიფო ბიუჯეტში და იბერია ტვ-ს უნდა შეეწყვიტა არსებობა.

ბესარიონ კეიდიამ სასამართლო პროცესზე დაადასტურა, რომ მოთხოვნა მომდინარეობდა ხელისუფლების მაღალი თანამდებობის პირების მხრიდან. მოწმემ დაადასტურა, რომ იბერია ტვ-ს ლიცენზიის შეწყვეტით და ასევე, სახელმწიფოს სასარგებლოდ ,,ომეგა ჯგუფში’’ შემავალი კომპანიების საკონტროლო პაკეტის დათმობით დაინტერესებულნი იყვნენ იმდროინდელი ხელისუფლების მაღალი თანამდებობის პირები’’, - განაცხადა პროკურორმა.

შეგახსენებთ, რომ პროკურატურამ ტელეკომპანია ,,იბერიას’’ სამაუწყებლო ლიცენზიის ჩამორთმევის საქმე 2016 წლის თებერვალში გახსნა. უწყების ინფორმაციით, აღნიშნულ ფაქტთან დაკავშირებით ყოფილი გენერალური პროკურორი ზურაბ ადეიშვილი და მისი პირველი მოადგილე გიორგი ლაცაბიძე სისხლის სამართლის პასუხისგებაში მიეცა.

საქმეზე მომდევნო სხდომა 21 აპრილის 14:30 საათისთვის ჩაინიშნა.

ნინო ექვთიმიშვილი

ოჯახში ძალადობისა და ოჯახის წევრის მიმართ მუქარის ბრალდებით ერთი პირი დააკავეს

6 ივნისი, 2020 , 10:45

შინაგან საქმეთა სამინისტროს შიდა ქართლის პოლიციის დეპარტამენტის გორის რაიონული სამმართველოს თანამშრომლებმა გორში 1982 წელს დაბადებული გ.გ. ოჯახის წევრის მიმართ ჩადენილი ძალადობისა და მუქარის ბრალდებით დააკავეს. შსს-ს ცნო

თაღლითობისა და კომპიუტერულ სისტემაში უნებართვოდ შეღწევის ბრალდებით ერთი პირი დააკავეს

6 ივნისი, 2020 , 10:45

შინაგან საქმეთა სამინისტროს თბილისის პოლიციის დეპარტამენტის საგამოძიებო სამმართველოს თანამშრომლებმა 2000 წელს დაბადებული ა.ბ. თაღლითობის და კომპიუტერულ სისტემაში უნებართვოდ შეღწევის ბრალდებით დააკავეს. სამინისტროს ცნობით

პოლიციამ ქარელში ოჯახში ძალადობის ბრალდებით ერთი პირი დააკავა

6 ივნისი, 2020 , 10:20

შინაგან საქმეთა სამინისტროს შიდა ქართლის პოლიციის დეპარტამენტის ქარელის რაიონული სამმართველოს თანამშრომლებმა 1940 წელს დაბადებული ა.კ., ოჯახში ძალადობის ბრალდებით, ქარელში დააკავეს. სამინისტროს ცნობით, დანაშაული ერთიდან

დამამძიმებელ გარემოებებში განზრახ მკვლელობაში ბრალდებულს 20 წლით თავისუფლების აღკვეთა მიესაჯა

5 ივნისი, 2020 , 15:15

პროკურატურის მიერ წარდგენილი მტკიცებულებების საფუძველზე, დამამძიმებელ გარემოებებში განზრახ მკვლელობასა და ცეცხლის წაკიდებით სხვისი ნივთის განზრახ დაზიანებაში ბრალდებულს 20 წლით თავისუფლების აღკვეთა მიესაჯა. ამის შესახებ

აშშ-ის იუსტიციის დეპარტამენტი საქართველოს პროკურატურას გაწეული მნიშვნელოვანი დახმარებისთვის მადლობას უხდის

5 ივნისი, 2020 , 11:41

ამერიკის შეერთებული შტატების იუსტიციის დეპარტამენტი საქართველოს გენერალურ პროკურატურას გაწეული მნიშვნელოვანი დახმარებისთვის მადლობას უხდის. საქართველოს გენერალური პროკურატურის ცნობით, ამის შესახებ ინფორმაცია განთავსებული

პოლიციამ ბაგებში მომხდარ დაპირისპირების ფაქტზე, რასაც ორი ადამიანის დაჭრა მოყვა, ორი პირი დააკავა

5 ივნისი, 2020 , 10:35

თბილისში ჯგუფურად ძალადობის, ორი პირის ჯანმრთელობის განზრახ მძიმე დაზიანებისა და ცეცხლსასროლი იარაღის მართლსაწინააღმდეგო შეძენა-შენახვა-ტარების ბრალდებით ორი პირი დააკავეს. ინფორმაციას ამის შესახებ საქართველოს შინაგან სა

პირდაპირი TV

daily calendar

ვიდეო გალერეა

ქრისტე აღსდგა!