სამართალი

მოზარდების მკვლელობის საქმეზე შექმნილი პარლამენტის დროებითი საგამოძიებო კომისიის წევრები დღეს საქმის ერთ-ერთ მთავარ მოწმეს გამოკითხავენ

გავრცელებული ინფორმაციით, ხორავას ქუჩაზე ორი მოზარდის მკვლელობის საქმეზე შექმნილი პარლამენტის დროებითი საგამოძიებო კომისიის წევრები დღეს საქმის ერთ-ერთ მთავარ მოწმეს, მ. კ -ს გამოკითხავენ.

ხორავას ქუჩაზე მომხდარი მკვლელობის საქმეზე მ. კ. პასუხისგებაშია მიცემული დანაშაულის შეუტყობინებლობისთვის.

დროებითი საგამოძიებო კომისიის თავმჯდომარეს, სერგი კაპანაძეს მ.კ-ს მიმართ შუალედური რეკომენდაცია აქვს ინიცირებული. ამ რეკომენდაციის მიხედვით, კომისიის თავმჯდომარემ მთავარ პროკურატურას მიმართა, დაიწყოს სისხლის სამართლებრივი დევნა მ.კ-ს მიმართ არასრულწლოვან დავით სარალიძის ჯგუფურად განზრახ მკვლელობაში თანამონაწილეობის ფაქტზე.

მ.კ. ამჟამად სრულწლოვანია. ის 18 წლისაა, თუმცა გასული წლის პირველ დეკემბერს ხორავას ქუჩაზე მომხდარის ფაქტის დროს ის 17 წლის იყო.

დღევანდელ სხდომაზე მ.კ-ს გარდა, კომისიის წევრები იმ არასრულწლოვან მოწმეებსაც გამოკითხავენ, რომლებიც გასული წლის პირველ დეკემბერს ხორავას ქუჩაზე იმყოფებოდნენ.