მსოფლიო
მსგავსი სახის განცხადებები სულელურია, როგორც ისტორიული, ასევე სამართლის თვალსაზრისით -უკრაინის საგარეო საქმეთა სამინისტროს პასუხი ლე პენს
უკრაინის საგარეო საქმეთა სამინისტრო შეშფოთებულია საფრანგეთის პრეზიდენტობის კანდიდატისა და “ნაციონალური ფრონტის“ ლიდერის მარინ ლე პენის განცხადებით, რომ ყირიმი უკრაინას არასდროს არ ეკუთვნოდა.
უწყების განცხადებით, ამ დონის პოლიტიკოსი პატივს უნდა სცემდეს საერთაშორისო წესრიგს, სხვა ქვეყნების სუვერენიტეტსა და ტერიტორიულ მთლიანობას:
“მსგავსი სახის განცხადებები ( რომ ყირიმი რუსეთის ნაწილია - რედ.) არის სულელური, როგორც ისტორიული, ასევე სამართლის თვალსაზრისით“,- წერია სამინისტროს საიტზე.
უკრაინის საგარეო უწყებამ აღნიშნა, რომ საფრანგეთი, როგორც დანარჩენმა საერთაშორისო საზოგადოებამ მის ტერიტორიულ მთლიანობას მხარდაჭერა გამოუცხადა და გააკრიტიკა რუსეთის მიერ ყირიმის ოკუპაცია:
“ყირიმის ოკუპაციის მხარდაჭერა და ანექსიის აღიარება არა მარტო ეწინააღმდეგება გაეროს რეგულაციასა და საერთაშორისო სამართლის ძირითად პრინციპებს, არამედ უბიძგებს ოკუპანტ-სახელმწიფოს გააგრძელოს თავისი დანაშაულებრივი მოქმედებები ადგილობრივი მოსახლეობის მიმართ“, - წერია განცხადებაში.
შეგახსენებთ, რომ მარინ ლე პენი რუსულ “იზვესტიას“-თან ინტერვიუში განაცხადა, რომ მისი პრეზიდენტის არჩევის შემთხვევაში ყირიმს რუსეთის ნაწილად აღიარებს.
ანა მებურიშვილი