უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
- 23.04.2024 17:26კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
- 23.04.2024 17:21ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
- 23.04.2024 15:47ჩემი აზრით, ის ხალხი, რომელიც ჩამოდის აქციაზე, ყველაზე საცოდავი ხალხია – იაგო ხვიჩია
- 23.04.2024 15:39საქართველოს ბანკის მხარდაჭერით, საქართველოში KIABI – ს პირველი ფილიალი გაიხსნა
- 23.04.2024 10:37ავტომანქანის ყალბი მართვის მოწმობების დამზადება-გასაღების ფაქტზე ოთხი პირი დააკავეს
არქივი
პოლიტიკა
მთავრობა კიდევ უფრო ეფექტური ანტიკორუფციული მექანიზმების დანერგვას აპირებს
პრემიერ-მინისტრის, მამუკა ბახტაძის განცხადებით, საქართველოს მთავრობა კიდევ უფრო ეფექტური ანტიკორუფციული მექანიზმების დანერგვას აპირებს.
როგორც ბახტაძემ ღია მმართველობის პატნიორობის გლობალური სამიტის პლენარული სესიის გახსნაზე აღნიშნა, ანტიკორუფციული სისტემა უნდა იყოს ორიენტირებული კორუფციული გარიგებების გამოვლენაზე, თუმცა ამავე დროს უნდა იყოს ორიენტირებული მის პრევენციაზე.
„ღია მმართველობის პარტნიორობის გლობალური სამიტის ფარგლებში თქვენ მსოფლიოს სხვადასხვა ქვეყნის არაერთ საინტერესო გამოცდილებას გაეცნობით. ჩვენ გვაქვს ხელშესახები წარმატებები ამ მიმართულებით, თუმცა ეს არ არის საკმარისი. გასულ კვირას პარლამენტში განვაცხადეთ, რომ გვსურს თამასა კიდევ უფრო მაღლა ავწიოთ. ვაპირებთ კიდევ უფრო აქტიურ თანამშრომლობას სამოქალაქო საზოგადოებასთან, არასამთავრობო ორგანიზაციებთან და ამავე დროს ვაპირებთ დავნერგოთ კიდევ უფრო ეფექტური ანტიკორუფციული მექანიზმები. ჩემი შეხედულებით, ანტიკორუფციული სისტემა უნდა იყოს ორიენტირებული კორუფციული გარიგებების გამოვლენაზე, თუმცა ამავე დროს უნდა იყოს ორიენტირებული მის პრევენციაზე. ამისთვის საზოგადოების ჩართულობა, მათ შორის სახელმწიფო უწყებების ზედამხედველობაში არის სასიცოცხლოდ მნიშვნელოვანი. ეს არის სწორედ ის მიმართულება, სადაც ჩემი მთავრობა აქტიურ ნაბიჯებს გადადგამს“, - განაცხადა ბახტაძემ.