პოლიტიკა

მთავრობას ნდობას ვერ გამოვუცხადებთ, მაგრამ წარმატებას ვუსურვებთ - ადა მარშანია

„პატრიოტთა ალიანსი“ მთავრობას ნდობას არ გამოუცხადებს, - განაცხადა პარტიის წევრმა ადა მარშანიამ.

მისი თქმით, მთავრობამ დაიწყო სიღარიბის თემაზე საუბარი და მთავარია გააზრებული ნაბიჯები ამ მიმართულებით.

„ჩვენ თავიდანვე განვაცხადეთ, რომ მთავრობას ნდობას ვერ გამოვუცხადებთ, მაგრამ ამავდროულად, რადგან ეს ჩვენი ქვეყნის მთავრობაა, მას წარმატებას ვუსურვებთ. ბატონმა ბახტაძემ ისაუბრა სიღარიბეზე და როგორც იქნა ეს თემა წამოწია. ვნახოთ, როგორ გაუმკლავდებიან. ასე მოკლე დროში ამ პრობლემას მთლიანად ვერ გავუმკლავდებით, მაგრამ ძალიან ბევრი რამის გაკეთება შეიძლება, მთავარია ჩვენ დავინახოთ გააზრებული ნაბიჯები“, - განაცხადა ადა მარშანიამ.