უახლესი ამბები
- 01.05.2024 16:15მჯერა ქართველი ხალხის, ის საქართველოს ევროპულ გზას დაიცავს - ევროპარლამენტარი
- 01.05.2024 15:39ძალადობა უნდა შეწყდეს - საქართველოში გერმანიის ელჩი
- 01.05.2024 15:27ხელისუფლება შევიდა უმძიმეს და არასაჭირო პროცესში და ვფიქრობ, მას მოუწევს დიდი პოლიტიკური ფასის გადახდა - გიორგი კვირიკაშვილი
- 01.05.2024 15:182 მაისიდან 6 მაისამდე საქართველოში ამინდი გაუარესდება
არქივი
პოლიტიკა
მთავრობის განახლებულ შემადგენლობას პარლამენტი დეკემბრის ბოლოს ან იანვარში დაამტკიცებს
პარლამენტის თავმჯდომარე, ირაკლი კობახიძე ვარაუდობს, რომ მთავრობის განახლებულ შემადგენლობას პარლამენტი დეკემბრის ბოლოს, ან იანვარში დაამტკიცებს.
კობახიძის განცხადებით, შესაბამისი კანონპროექტი პარლამენტში დაახლოებით ერთ კვირაში შევა და დაიწყება მისი განხილვა.
,,ამას დასჭირდება თავისი დრო. დაჩქარებული წესის შემთხვევაშიც დაგვჭირდება მინიმუმ ორი კვირა, რომ ჯერ კომიტეტზე გავიტანოთ და შემდეგ პლენარულ სხდომაზე მოვისმინოთ კანონის პროექტი. ამის შემდეგ იცით, რომ ვეტოს პროცედურა არის კონსტიტუციით დადგენილი და ამის შემდეგ გვექნება იმის საშუალება, რომ ნდობა გამოვუცხადოთ მთავრობის შემადგენლობას. შესაძლებელია დეკემბრის ბოლომდე, შეიძლება იანვარში მოგვიწიოს ამ პროცედურების ჩატარება”, - განაცხადა ირაკლი კობახიძემ.
ამასთან, პარლამენტის თავმჯდომარის თქმით, ცვლილებები აუცილებელი იყო მთავრობის სტრუქტურული მოწყობის თვალსაზრისით.
”ამ შემთხვევაში საქმე გვაქვს სტრუქტურულ ცვლილებებთან და სტრუქტურული ცვლილებებიდან გამომდინარე პერსონალურ ცვლილებებთან. მე ვფიქრობ, რომ ეს რეფორმა იყო ჩასატარებელი და მივესალმები ინიციატივას, რომლითაც გამოვიდა პრემიერ-მინისტრი”, - აღნიშნა კობახიძემ.
ნინო ექვთიმიშვილი