უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
არქივი
მსოფლიო
ნატო შეშფოთებულია რუსეთის აგრესიულობით, თუმცა მის იზოლირებას არ გეგმავს
ბრიტანეთის ქალაქ სოლსბერიში ყოფილი ორმაგი ჯაშუშის სერგეი სკრიპალისა და მისი ქალიშვილის ქიმიური თავდასხმის შემდეგ ნატო არ ისახავს მიზნად რუსეთის იზოლირებას, თუმცა ალიანსს მოუწია ზომების მიღება მოსკოვისადმი უკმაყოფილების გამოსახატად. ამის შესახებ ნატოს გენერალურმა მდივანმა იენს სტოლტენბერგმა ოტავაში ვიზიტისას განაცხადა.
„ჩვენ ვაგრძელებთ, რომ უკეთესი ურთიერთობები დავამყაროთ რუსეთთან, რადგან ის ჩვენი მეზობელია, რუსეთი უნდა დარჩეს. ჩვენ არ ვისახავთ მიზნად რუსეთის იზოლირებას“, -თქვა სტოლტენბერგმა.
ნატოს გენერალური მდივნის თქმით, ალიანსი შეშფოთებულია, რომ რუსეთი უფრო აგრესიული გახდა, რასაც ცხადყოფს ყირიმის ანექსია, უკრაინის აღმოსავლეთში შექმნილი არეულობა, სირიის პრეზიდენტის ბაშარ ალ-ასადის მხარდაჭერა და ჩარევა სხვა ქვეყნების საქმეებში.
„სწორედ ესაა მიზეზი, რატომ ჰქონდათ ნატოს მოკავშირეებსა და პარტნიორებს ასეთი რეაქცია სოლსბერის თავდასხმის შემდეგ. რადგან ეს ერთეული შემთხვევა არაა. ეს თავდასხმა იმ ქცევის ფონზე მოხდა, რომელსაც რუსეთისგან ვაკვირდებით მრავალი წლის განმავლობაში“, -აღნიშნა სტოლტენბერგმა.
წინა კვირას ჩრდილოატლანტიკურმა ალიანსმა რუსეთის მისიის 7 დიპლომატი გააძევა და დელეგაციის შემადგენლობა 30-დან 20 კაცამდე შეამცირა.