უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
- 26.04.2024 14:12თბილისიდან-ბათუმამდე მგზავრობა 3 საათსა და 30 წუთში იქნება შესაძლებელი
- 26.04.2024 12:59საქართველოს მოსახლეობის რაოდენობა შემცირდა - საქსტატი
- 26.04.2024 12:54The Digital Banker-მა საქართველოს ბანკი საუკეთესო ციფრული სამომხმარებლო გამოცდილების მქონე ბანკად დაასახელა საქართველოში
- 26.04.2024 12:40სპეციალურმა საგამოძიებო სამსახურმა იძულების ფაქტზე შინაგან საქმეთა სამინისტროს თანამშრომელი ამხილა
არქივი
პოლიტიკა
„ნაციონალურ მოძრაობას“ ადამიანური ტრაგედიები გულთან ახლოს დიდად რომ არ მიაქვთ, ეს უკვე ყველას ნანახი გვაქვს - თამარ ჩუგოშვილი
პარლამენტის პირველი ვიცე-სპიკერის, თამარ ჩუგოშვილის განცხადებით, ხორავას ქუჩაზე მოკლული დავით სარალიძის მამის, ზაზა სარალიძის ტრაგედიას პოლიტიკური მიზნებისთვის იყენებენ.
„მართლაც არის პოლიტიკური მოთხოვნები, რომლებიც ჟღერდება. ალბათ, უკვე ძნელია, სხვანაირი მოთხოვნები იყოს, რადგან მთავარი პროკურორი გადამდგარია, საგამოძიებო კომისია შექმნილია, გამოძიება ბოლომდე მივა და უნდათ, პროცესი პოლიტიკური მოთხოვნებით გაგრძელდეს. ბუნებრივია, ამის გამოყენებას განსაკუთრებით „ერთიანი ნაციონალური მოძრაობა“ ცდილობს. მათ ადამიანური ტრაგედიები გულთან ახლოს დიდად რომ არ მიაქვთ, ეს უკვე ყველას ნანახი გვაქვს და ძალიან კარგად ვიცით“, – განაცხადა ჩუგოშვილმა პირველი არხის გადაცემაში „აქტუალური თემა მაკა ცინცაძესთან ერთად“.
მან აღნიშნა, რომ მთავარია, საზოგადოებას ჰქონდეს ნდობა ახალი მთავარი პროკურორის მიმართ. ჩუგოშვილის შეფასებით, არასწორი იქნება, თუ სახელმწიფო ყურადღებას მიაქცევს და გაითვალისწინებს „არალეგიტიმურობაში გადასულ“ მოთხოვნებს.
„სახელმწიფომ უნდა გააკეთოს ის, რაც ლეგიტიმურია. არალეგიტიმურობაში გადადის ის, რაც ისმის. მათ შორის, სახელმწიფოს ჩამოშლა, დამხობა და ა.შ. მე ასეთი განცხადებები მოვისმინე, რაც პირადად ჩემთვის მიუღებელია. ვიღაცებს უნდათ, რომ ქვეყანა და სახელმწიფო ჩამოიშალოს და ამას ვერც მალავენ, მაგრამ ეს არ მოხდება“, – უპასუხა ჩუგოშვილმა წამყვანის შეკითხვას, შეიძინა თუ არა პარლამენტთან მიმდინარე მოვლენებმა პოლიტიკური ელფერი, რადგან როგორც ელენე ხოშტარიამ განაცხადა, ოპოზიცია „ქართულ ოცნებას“ ახალი მთავარი პროკურორის არჩევის საშუალებას არ მისცემს, ის საზოგადოებრივი ჯგუფიდან უნდა შეირჩეს და ამავდროულად, ისმის განცხადებები, რომ მთავრობა უნდა გადადგეს.