მსოფლიო

ნიკოლ პაშინიანმა მოუწოდა რუსეთს, შეეგუოს სომხეთში შექმნილ სიტუაციას

სომხეთის პრემიერ-მინისტრმა ნიკოლ პაშინიანმა რუსეთს მოუწოდა, შეეგუოს სომხეთში შექმნილ ახალ პოლიტიკურ სიტუაციას. ასე უპასუხა პაშინიანმა რუსეთის საგარეო საქმეთა მინისტრის, სერგეი ლავროვის განცხადებას.

„ეს ახალი სიტუაციაა და ჩვენ ყველა, მათ შორის ჩვენი რუსი პარტნიორებიც, უნდა მოვერგოთ ამ ახალ სიტუაციას“, -განაცხადა სომხეთის პრემიერ-მინისტრმა.

ცნობისთვის, ლავროვმა უკმაყოფილება გამოთქვა სომხეთში ყოფილი მაღალჩინოსნების დაკავების ფაქტთან დაკავშირებით. მისი მტკიცებით, ის ეწინაარმდეგება სომხეთის ახალი ხელმძღვანელობის პოზიციას, რომ ის არ აპირებს, დევნა განახორციელოს „თავის წინამორბედებზე პოლიტიკური მოტივებით“.