სამართალი
ნინო გვენეტაძე იუსტიციის უმაღლესი საბჭოს შემადგენლობის ცვლილების შემდეგ კრიტიკის შემცირებას ელოდება
იუსტიციის უმაღლესი საბჭოს თავმჯდომარე ნინო გვენეტაძე იუსტიციის უმაღლესი საბჭოს შემადგენლობის ცვლილების შემდეგ კრიტიკის შემცირებას ელოდება.
,,ჩვენ არ გავურბივართ სამართლიან კრიტიკას’’, - აღნიშნა გვენეტაძემ დღეს მიმდინარე მოსამართლეთა რიგგარეშე კონფერენციის ფარგლებში.
მისი თქმით, იუსტიციის საბჭო ფაქტობრივად განახლდება კენჭისყრის შემდეგ, როდესაც განმწესდება 4 მოსამართლე წევრი.
,,მთავარია, რომ საბჭო იტენსიურად დაიწყებს მუშაობას, სტრატეგიის განხორციელებაზე, რომ იყოს გახსნილი, გამჭვირვალე, ანგარიშვალდებული და აამაღლებს მართლმსაჯულებისადმი ნდობას", - განაცხადა გვენეტაძემ.
მისივე თქმით, წინა 4 წლის განმავლობაში საბჭოს სხდომები ღია იყო და ყველას შეეძლო დასწრებოდა მას.
"საბჭო აბსოლუტურად გახსნილია, არასამთავრობოების მიერ ხორციელდება მონიტორინგი და ვფიქრობ, ამ ოთხი წლის განმავლობაში საბჭოს გარკვეული წარმატებები და წინსვლა ჰქონდა", - აღნიშნა გვენეტაძემ.
ნინო ექვთიმიშვილი