უახლესი ამბები
- 25.04.2024 13:43საქართველოს ბანკის მხარდაჭერით აჭარა კოლექტივი რადიო ქალაქის პროექტს ახორციელებს
- 25.04.2024 12:59საქართველოს პროკურატურამ საფრანგეთის, შვეიცარიის და ლიეტუვის უწყებების წარმომადგენლების ჩართულობით, ფართომასშტაბიანი ტრანსნაციონალური დანაშაული გახსნა
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
სამართალი
ნინო გვენეტაძის გადადგომა ციანიდის საქმეზე მიღებულ განჩინებასთან ძალიან ახლოს არის, ეს ბუნებრივად აღძრავს კითხვებს - სულხან სალაძე
ახალგაზრდა იურისტთა ასოციაციის თავმჯდომარე, სულხან სალაძე უზენაესი სასამართლოს თავმჯდომარის თანამდებობიდან გადადგომას ეხმიანება.
სალაძის განცხადებით, ნინო გვენეტაძის გადადგომა უზენაესი სასამართლოს მიერ ე.წ. ციანიდის საქმეზე გამოტანილი გადაწყვეტილების შემდეგ ძალიან მოკლე დროში მოხდა.
„ის, რომ დროში ეს ე.წ. ციანიდის საქმეზე მიღებულ განჩინებასთან ძალიან ახლოს არის და პრაქტიკულად, მეორე დღეს ხდება ამის გაცხადება, ეს ბუნებრივად აღძრავს კითხვებს,“ - აცხადებს სულხან სალაძე.
საიას თავმჯდომარის განცხადებით, უზენაესი სასამართლოს ახალი თავმჯდომარის დანიშვნა შესაძლოა, პრეზიდენტსა და პარლამენტს შორის მორიგი დაპირისპირების მიზეზი გახდეს.
„შეიძლება ამან გვაჩვენოს მორიგი რაუნდი პრეზიდენტს და პარლამენტს შორის დაპირისპირების. თუ პრეზიდენტმა, როდესაც გაიხსნება საშემოდგომო სესია, წარუდგინა კანდიდატი, რას იტყვის პარლამენტი, უბრალოდ, არ შეიტანს დღის წესრიგში, არ იმსჯელებს, თუ იმსჯელებს, დააყენებს საკითხს კენჭისყრაზე და არ დაუჭერს ან დაუჭერს მხარს. ამას ყველა შემთხვევაში ვნახავთ, ეს იქნება პირდაპირი განაცხადი იმისთვის, რომ დიდი ალბათობით, შეიძლება, ვიღაცისთვის იყოს ეს ადგილი გამზადებული,“ - განაცხადა სულხან სალაძემ.
ნინო გვენეტაძის თანამდებობიდან გადადგომის შესახებ ინფორმაცია უზენაესმა სასამართლომ გაავრცელა. ნინო გვენეტაძე გადადგომის მიზეზად ჯანმრთელობის მდგომარეობას ასახელებს.
გუშინ კი ცნობილი გახდა, რომ 5-თვიანი განხილვის შემდეგ უზენაესმა სასამართლომ ე.წ. ციანიდის საქმის განხილვაზე უარი თქვა.
ნინო ექვთიმიშვილი