მსოფლიო

„ნოვიჩოკით“ მოწამლული სერგეი სკრიპალი საავადმყოფოდან გაწერეს

დიდი ბრიტანეთის ქალაქ სოლსბერიში ქიმიური ნივთიერებით მოწამლული ყოფილი რუსი ჯაშუში სერგეი სკრიპალი საავადმყოფოდან გაწერეს. ის მკურნალობას გადიოდა სოლსბერის რაიონულ ჰოსპიტალში.

სერგეი სკრიპალის ქალიშვილი იულია საავადმყოფოდან 10 აპრილს გაწერეს და უსაფრთხო ადგილას გადაიყვანეს.

66 წლის სკრიპალი და მისი ქალიშვილი იულია 4 მარტს მოწამლეს. გარდა ამისა დაშავდა 20-მდე სამოქალაქო პირი და პოლიციელი. როგორც დადგინდა, სკრიპალის მოსაწამლად რუსეთში გამზადებული ნერვო-პარალეპტიკური გაზი სახელწოდებით - ნოვიჩოკი გამოიყენეს.

მოწამვლაში ლონდონი რუსეთს ადანაშაულებს, რის გამოც დასავლეთმა 100-ზე მეტი რუსი დიპლომატი გააძევა.